නාරාහේන්පිට එවර්ග්‍රීන් පාරේ මෙම ව්‍යාජ ආයාතනය පවත්වාගෙන ගොස් තිබේ.
මෙම පිරිස විවිධ ආයතනවලට ගොස් එකවර විශාල භාණ්ඩ තොගයක් මිලදී ගෙන ඒවෙනුවට චෙක්පත් නිකුත් කරන බවත් එම චෙක්පත් ව්‍යාජ චෙක්පත් බවත් පොලිසිය සදහන් කරයි.
මොවුන් මේ ආකාරයට රූපවාහිනී යන්ත්‍ර ඇතුළු ඉලෙක්ට්‍රික් භාණ්ඩ, කිරිපිටි වර්ග ආදියද මිලදී ගෙන වංචාවල නිරතව ඇති බව අනාවරණය වී තිබේ.
වැල්ලවත්තේ පිහිටි තොග වෙළද සැළකින් මෙසේ රුපියල් පන්ලක‍්ෂයකට ආසන්න වටිනාකමක් ඇති ටින් මාළු තොගයක් උතුරේ වැසියන්ට බෙදා දීමට යැයි සදහන් කරමින් මේ අය මිලදී ගෙන කළ වංචාව සම්බන්ධයෙන් ලද පැමිණිල්ලකට අනුව පරීක‍්ෂණ පවත්වා සැකකරුවන් අත්අඩංගුවට ගත් බව පොලිසිය සදහන් කළේය.
වැඩිදුර විමර්ෂණ පොලිසිය විසින් සිදු කරයි.
