රතුපලස විශේෂාංග සමඟින් මෙම සිනමා උළෙලේ වැඩසටහන ආරම්භ වන අතර හෙළයේ මහා සිනමාකරු ආචාර්ය ලෙස්ටර් ජේම්ස් පීරිස් මහතාට චිත්රපට උළෙලේ චිත්රපට නාමාවලිය පිරිනැමීමටද කටයුතු යොදා ඇත.
සමාරම්භක උළෙලේ වැඩකටයුතු වලින් අනතුරුව ප්රංශ සිනමාකරු ක්රිස්ටෝපි ගෑන්ස් අධ්යක්ෂණය කළ (Beauty and the Best) බියුටි ඇන්ඩ් ද බිස්ට් චිත්රපටය තිරගත කෙරේ. මෙම චිත්රපටය ජපානයේ ඔකිනාවා ජාත්යන්තර සිනමා උළෙලට සමගාමීව ශ්රී ලංකාවේ ප්රදර්ශනය වීමද විශේෂත්වයක් බව ශ්රී ලංකා සිනමා අධ්යක්ෂවරුන්ගේ සංසදය සඳහන් කරයි.
මීට සමගාමීව ජාතික චිත්රපට සංස්ථා තරංගනී සිනමා ශාලාව, මැජෙස්ටික් සිටි - සුපීරියර් සිනමා ශාලාව, එම්පයර් ඩිලුක්ස් සිනමා ශාලාව, ජර්මන් සංස්කෘතික මධ්යස්ථානය (Goethe Institut) යන ස්ථානයන්හිදීද උදේ 10.00, දහවල් 1.00, සවස 4.00 සහ රාත්රී 10.00 දර්ශන මෙම (07) දක්වා නොමිලයේ පැවැත්වෙන බව සඳහන් කළ සිනමා අධ්යක්ෂවරුන්ගේ සංසදය ධර්මසේන පතිරාජගේ 'ස්වරූප' නිලේන්ද්ර දේශප්රියගේ 'තණ්හා රති රඟා', උදය ධර්මවර්ධනගේ 'Miles of a Dram' , උදාර අබේසුන්දරගේ 'සෙවණැලි', ප්රසන්න ජයකොඩිගේ '28' යන ශ්රී ලාංකික සිනමාකරුවන්ගේ තෝරාගත් චිත්රපට කීපයක්ද ජාත්යන්තර සිනමා උළෙලේ ප්රදර්ශනය කිරීමට කටයුතු යොදා ඇත.
ජාත්යන්තර සිනමා උළෙල අද (02) උත්කර්ෂවත් අයුරින් පැවැත්වීමට සියලු කටයුතු සූදානම් කර ඇත. මෙහි සමාරම්භක උළෙල අද සවස (6.30)ට කොළඹ රීගල් සිනමා ශාලාවේදී පැවැත්වේ.
Leave a comment