ඉන් 34,599 දෙනෙකු, රැකියා සඳහා විදේශ ගතවූ කාන්තාවන් බවත් එම ප්‍රමාණය අදාළ කාලය තුළ විදේශ ගත වූ මුළු සංඛ්‍යාවෙන් සියයට 46 ක් බව එම කාර්යංශය පවසා ති‌බේ.

මෙම වසරේ ජනවාරි සිට මාර්තු දක්වා කාලය තුළ රැකියා සඳහා විදේශ ගතවූ පිරිමි ශ්‍රමිකයින් සංඛ්‍යාව 39,900ක් වන අතර ශ්‍රි ලාංකිකයින් වැඩි වශයෙන් රැකියා සඳහා විදේශ ගත වී ඇත්තේ කුවේට් රාජ්‍යයට බවත් එම ප්‍රමාණය 17,793 ක් වේ.

කෙසේවෙතත් 2023 වසරේ මුල් මාස 3 තුළ රැකියා සඳහා ශ්‍රි ලාංකිකයින් 76,025ක් විදේශ ගතවී තිබේ.

ශ්‍රි ලංකා විදේශ සේවා නියුක්ති කාර්යාංශය පැවසුවේ පෙර වර්ෂවලට සාපේක්ෂව දකුණු කොරියාව, ඊශ්‍රායලය හා ජපානය වැනි රටවල රැකියා සඳහා ශ්‍රි ලාංකිකයින් යොමුවීමේ වැඩි නැඹුරුවක් පෙන්නුම් කරන බවයි.

ඒ අනුව 2024 මුල් මාස 3 තුළදී පමණක් දකුණු කොරියාවේ රැකියා සඳහා ලාංකිකයින් 2,374 දෙනෙකුද, ඊශ්‍රායලයේ රැකියා සඳහා 2,114 දෙනෙකුද, රුමේනියාවේ රැකියා සඳහා 1,899 දෙනෙකු හා ජපානයේ රැකියා සඳහා ලාංකිකයින් 1,947 දෙනෙකු පිටත්ව ගොස් ඇත.

රැකියා සඳහා විදේශ ගතවූ ශ්‍රි ලාංකිකයින් 2024 මුල් මාස 2 තුළදී පමණක් අමෙරිකානු ඩොලර් මිලියන 963යි දශම 8ක ප්‍රේෂණ ප්‍රමාණයක් මෙරටට එවා ඇති බව ශ්‍රි ලංකා විදේශ සේවා නියුක්ති කාර්යාංශය පැවසීය.