එජාපයට හිතවත් භික්ෂුන් වහන්සේලාගේ හා බහුතරයක් මන්ත්‍රීවරුන්ගේ ඉල්ලීම සලකා එම තීරණය ගත් බව ඔහු ඊයේ එම පක්ෂයේ ප්‍රධානින් කිහිප දෙනෙකුට පවසා ඇතැයි වාර්තාවේ.
කෙසේවුවද, ඉදිරි ජනාධිපතිවරණය ඉලක්ක කර ගනිමින් එක්සත් ජාතික පක්ෂයේ තනතුරුවල වෙනසක් සිදු කරන බවත්, පක්ෂයේ නියෝජ්‍ය නායක හා භාණ්ඩාගාරික වැනි පුරප්පාඩු වී ඇති තනතුරු සඳහා සති දෙකක් තුල පුද්ගලයින් පත් කරන බවත් එක්සත් ජාතික පක්ෂයේ මහ ලේකම් තිස්ස අත්තනායක මහතා ඊයේ (30) මහනුවර පැවති මාධ්‍ය හමුවක් අමතමින් අවධාරණය කර සිටියේය.
ඔහු එහිදී මෙසේ පැවසිය.
'' එක්සත් ජාතික පක්ෂයේ ඉඳිරි ජයග්‍රහණ සඳහා අප සියලුදෙනා එකට එකතුකරමින් ඉන්නේ.
එක්සත් ජාතික පක්ෂයේ නියෝජ්‍ය නායක තනතුරට කෙනෙකු පත් කිරීම ගැනීම සම්බන්ධයෙන් සාකච්ජා පැවැත්වුනා. සජිත් ප්‍රේමදාස මහතා පත් කිරීම ගැනත් අදහස් හුවමාරු වුනා. ඒවගේම භාණ්ඩාගාරික තනතුර පුරප්පදුවී තියනවා.
ඒ වගේම තවත් සංශෝධන ගණනාවක් ඇති කරන්න නියමිතවෙලා තියනවා. සති දෙකක් ඇතුලත මේ සම්බන්ධයෙන් පැහැදිලි පිළිතුරක් ලබාදෙනවා. සැප්තැම්බර් මාසයේ පක්ෂයේ කෘත්‍යාධිකාරී මණ්ඩලය රැස්වෙලා මේගැන තීන්දුවක් ගන්නවා.'' යයි ද එජාප මහ ලේකම්වරයා පැවසිය.
මේ තීරණ ක්‍රියාත්මක කරන්නේ ඌව පළාත් සභා මැතිවරණය ඉලක්කර ගනිමින් නොව, ජනාධිපතිවරණයට එජාපය සුදානම් කිරීම ඉලක්ක කර ගනිමින් බවද ඔහු කියා සිටියේය.
