එක්සත් ජාතීන්ගේ සංවිධානය විසින් ලොව පිහිටි සියලු වනාන්තර සහ වනාන්තරවලින් පරිභාහිරව පිහිටි වෘක්ෂ සම්පත්වල වැදගත්කම පිළිබඳව ජන සමාජය තුළ පවතින දැනුවත්භාවය ඉහළ නැංවීමේ අරමුණින් සෑම වසරකම මාර්තු 21 වනදා ජාත්‍යන්තර වනාන්තර දිනය ලෙස ප්‍රකාශයට පත්කර ඇත.
මෙවර ජාත්‍යන්තර වනාන්තර දිනයේ තේමාව වූයේ .“වනාන්තර හා නවෝත්පාදන” යි.
ඒ අනුව මෙම දිනයට සමගාමීව දිවයින පුරා පැළ ලක්ෂ10ක් ,වනාන්තර වලින් පරිභාහිරව සිටුවීමට වන සංරක්ෂණ දෙපාර්තමේන්තුව සැලසුම් කර තිබේ.
අද (21) ඇරඹෙන මේ පැළ සිටුවීමේ වැඩපිළිවෙළ වර්ෂය පුරා ක්‍රියාත්මක කිරීමට වන සංරක්ෂණ දෙපාර්තමේන්තුව සැලසුම් කර ඇත.
එමෙන්ම ‘එක් ගෙවත්තකට එක් පැළයක්”තේමාව යටතේ ජනතාව දැනුවත් කිරීමේ වැඩසටහන් කර වන ව්‍යාප්ති නිලධාරීන්ගේ අධීක්ෂණය යටතේ එක් ගෙවත්තක එක් පැළයක් රෝපණය කිරීමේ වැඩසටහනක් ද වන සංරක්ෂණ දෙපාර්තමේන්තුව ජාත්‍යන්තර වනාන්තර දිනය නිමිත්තෙන් ක්‍රියාත්මක කරන වැඩසටහන් අතර වෙයි.
