පාර්ලිමේන්තු මහලේකම් කුෂාණි රෝහනධීර සඳහන් කළේ, අද (19) සහ හෙට (20) දිනවවල එම විවාදය පැවැත්වෙන බවය.

අද (19) පෙරවරු 9.30 ට පාර්ලිමේන්තුව පැවැත්වීමට නියමිතයි.

මාර්ගගත ක්‍රමවල සුරක්ෂිතභාවය පිළිබඳ කෙටුම්පත පාර්ලිමේන්තුවේදී සම්මත කිරීම තුළ කථානායකවරයාගේ හැසිරීම පිළිබඳව විරෝධය පළ කරමින් විපක්ෂ මන්ත්‍රීවරුන් විසින් කථානායකවරයාට එරෙහිව මෙම විස්වාසභංග යෝජනාව ඉදිරිපත්කර තිබේ.

ඒ අනුව අද සහ හෙට ඊට අදාළ විවාදය පැවැත්වීමට පාර්ලිමේන්තු කටයුතු පිළිබඳ කාරක සභාවේදී තීරණය කෙරුණි.

හෙට විවාදය අවසානයේ විශ්වාසභංග යෝජනාවට අදාළ ඡන්ද විමසීම පැවැත්වෙනු ඇත.

මේ අතර ඡන්ද විමසීමෙන් පසුව කථානායක මහින්ද යාපා අබේවර්ධන සභාව ඇමතීමට බලාපොරොත්තු වන බවත්, විශ්වාසභංග විවාදයේදී ඔහු මුලසනට නොපැමිණෙන බවත් කථානායක කාර්යාලය ප්‍රකාශ කළේ ය.

නියෝජ්‍ය කථානායකවරයාගේ ප්‍රධානත්වයෙන් මේ වනවිට පාර්ලිමේන්තු කටයුතු ආරම්භ කර තිබේ.අද පෙරවරු 9.30 සිට පස්වරු 5.30 දක්වා සහ හෙට (20) පෙරවරු 9.30 සිට පස්වරු 4.30 දක්වා විවාදය පැවැත්වීමට නියමිතව ඇත.

 -P.M