එමගින් දිවි නැගුම ප්‍රතිලාභ හිමියන්ට ඇපකරුවන් නොමැතිව වාර්ෂිකව 4% පොලියක් යටතේ රුපියල් 50,000 දක්වා ණය මුදලක් ලබාගත හැකි වේ.
ඇමතිවරයා මේ බව කියා සිටියේ, ඊයේ (28) පැවති මාධ්‍ය හමුවකදී අදහස් දක්වමිනි.
මෙහිදී මාධ්‍යවේදියෙකු අමාත්‍ය වරයාගෙන් විමසා සිටියේ, වක්‍ර ආකාරයෙන් ලබා දෙන මැතිවරණ අල්ලසක් ලෙස ඌව පළාත් සභා මැතිවරණය පැවැත්වීමට කෙටි කාලයක් තිබියදී මෙම ණය මුදල ක්‍රියාත්මක කිරීම උපායක් ද යන්නයි.
එහිදී කියා සිටියේ එය මැතිවරණ අල්ලසක් නොව අවශ්‍ය මොහොතේ ජනතාව වෙනුවෙන් කරන උපකාරයක් බවයි.
දිවි නැගුම ප්‍රතිලාභී පුද්ගලයන් ආණ්ඩුවේ මැතිවරණ ප්‍රචාරණයට යොදා ගන්නා බවට එල්ල වී ඇති චෝදනා සම්බන්ධයෙන් මාධ්‍යවේදියකු කළ විමසීමකට පිළිතුරු දෙමින් අමාත්‍ය බැසිල් රාජපක්ෂ මහතා කියා සිටියේ ආණ්ඩුව විසින් ඉටු කර ඇති සේවය වෙනුවෙන් මේ ජනතාව ආණ්ඩුවට සහයෝගය දක්වන අතර ඔවුන් තම ඡන්දය ලබා දෙන්නේ ස්වේච්ඡාවෙන් බවයි.
රජයේ ආයතනයක පැවැත්වෙන මාධ්‍ය හමුවකදී මැතිවරණය සම්බන්ධයෙන් කරුණු ප්‍රකාශ කිරීමෙන් වැලකි සිටින බව අමාත්‍යවරයා පැවසුවේ ඌව පළාතේ සිදු වන මැතිවරණ ප්‍රචණ්ඩ ක්‍රියා ගැන කල විමසුමකට පිළිතුරු දීම ප්‍රතික්ෂේප කරමිනි.
දිවි නැගුම බැංකු හරහා ප්‍රතිලාභී පවුල් ලක්ෂ පහළොවකට සෙත සලසන ණය යෝජනා ක්‍රමයක් ලබන සැප්තැම්බර් මාසයේ ආරම්භ කරන බව ආර්ථික සංවර්ධන අමාත්‍ය බැසිල් රාජපක්ෂ මහතා පවසයි.
Leave a comment
