ඉන්දීය ක‍්‍රිකට්‌ කණ්‌ඩායමේ තුන් ඉරියව් ක‍්‍රීඩක යුවරාඡ් සිං සහ උසේන් බෝල්ට් අතර පැවැත්වෙනු ඇතැයි කියන මෙම ක‍්‍රිකට්‌ තරගය ලබන සැප්තැම්බර් මස 02 වැනිදා පැවැත්වෙනු ඇතැයි විදෙස් මාධ්‍ය වාර්තා සඳහන් කර සිටියි.
අවසන් වුණු පන්දුවාර 50 ලෝක කුසලාන තරගාවලියේ වීරයා බවට පත්වූ යුවරාඡ් සිං ට අභියෝග කරමින් පැවැත්වෙනු ඇතැයි සඳහන් මෙම තරගය Bolt and Yuvi - Battle of the Legends යනුවෙන් නම් කර ඇත.
කෙසේ වෙතත් මෙම තරගය කුමන ආකාරයෙන් පැවැත්වෙන්නේද යන්න මෙතෙක්‌ කිසිදු සඳහනක්‌ නොතිබීම විශේෂත්වයකි.
මීටර 100 සහ 200 ඉසව්වල ලෝක වාර්තා සමගින් ඔලිම්පික්‌ රන් පදක්‌කම් 6 ක්‌ දිනා සිටින උසේන් බෝල්ට් ලබන 2016 වසරේදී බ‍්‍රසීලයේ රියෝ ද ජැනයිරෝ ඔලිම්පික්‌ තරගාවලියෙන් පසු මලල ක‍්‍රීඩාවෙන් ඉවත්වීමට තීරණය කර තිබෙන අතර, පසුව ඉන්දීය ප‍්‍රිමියර් ලීග් තරගාවලියේදී වේග පන්දුයවන්නකු ලෙස එක්‌වීමට කැමැත්තෙන් පසුවන බව මීට පෙර ප‍්‍රකාශ කර තිබුණි.
