පසුගියදා සිසුන් පිරිසක් අත්අඩංගුවට ගැනීමේ සිද්ධියට විරෝධය පළ කරමින් මෙම වර්ජනය ක්‍රියාත්මක කරන බව මහ ශිෂ්‍ය සංගමයේ සභාපති ලසන්ත අරුණ ශාන්ත මහතා පෙන්වා දෙයි.
ගලහ මංසන්ධිය අසළ අනවසර ඉදිකිරීමක් සිදුකළ බව පවසමින් මෙලෙස සිසුන් පස්දෙනෙකු ලබන 04 වැනි දින දක්වා රක්ෂිත බන්ධනාගාර ගත කිරීමට මහනුවර මහේස්ත්‍රාත් අධිකරණය පසුගියදා නියෝග කළේය.
කළමනාකරණ පීඨයක් ස්ථාපිත කරන ලෙස ඉල්ලමින් සිසුන් මෙලෙස පසුගිය 21 වැනිදා සිට ගලහ මංසන්ධියේ අඛණ්ඩ සත්‍යග්‍රහයක නිරතව සිටිති.
මේ සම්බන්ධයෙන් අදහස් දක්වමින් උසස් අධ්‍යාපන අමාත්‍ය එස්.බී. දිසානායක පවසන්නේ පේරාදෙණිය විශ්වවිද්‍යාලයේ කළමනාකරණ පීඨය පිහිටුවීමට අවශ්‍ය සියලු කටයුතු අවසන් වී ඇති බවත්, දැනට සිසුන් සිටින අට්ටාල ගලවා ඉවත්කරන තෙක් ගැසට් නිවේදනයට අත්සන් නොකරන බවත්ය.
