අද( 27) පැවති හලාවත නගරසභා මාසික සභා රැස්වීමේදී මෙසේ විරෝධය පල වූ අතර මේ ක්‍රියාව සදාචාරසම්පන්න නොවන බවත් රතිඤ්ඤා පත්තු කළ පුද්ගලයින් කවුද යන්න හෙළි කරන ලෙසත් මෙහිදී නගරසභා සභාපතිවරයාගෙන් මන්ත්‍රීවරු ඉල්ලා තිබේ. අද පෙරවරුවේ මාසික සභා රැස්වීමට ප්‍රථම මෙම රතිඤ්ඤා පත්තු කිරීම සිදු කර ඇත.
මෙහිදී හලාවත නගර සභාවේ හිටපු ලේකම් ශාන්ති ප්‍රනාන්දු මහත්මිය ඇඬූ කදුළින් සිය දුක්ගැනවිල්ල නාගරික මන්ත්‍රීවරුන් වෙත ඉදිරිපත් කර ඇත.
හලාවත හිටපු ලේකම්වරියට ස්ථාන මාරුව ලබා දී ඇත්තේ වෙන්නප්පුවට වුවත් වෙන්නප්පුව ප්‍රාදේශීය සභාවේ ලේකම්වරයා මෙතෙක් එතැනින් මාරුවී නොයාම හේතුවෙන් ශාන්ති ප්‍රනාන්දු මහත්මිය වෙන්නප්පුව ප්‍රාදේශීය සභාවේ බාහිර ලේඛනයේ අත්සන් තබා ස්ථිර රාජකාරියක් නොමැතිව සිටි.
මේ ස්ථාන මාරුව පසුපස නාගරික මන්ත්‍රීවරයෙකු සිටින බවද වාර්තාවේ.
(හිරු නිවුස්)
