මේවායෙන් පැමිණිලි 18ක් ලැබී ඇත්තේ බදුල්ල දිස්ත‍්‍රිත්කයෙන් ය.පැමිණිලි 06ක් බදුල්ල සහ මොණරාගල යන දිස්ත‍්‍රික්ක දෙකටම පොදු ය.
සෙසු පැමිණිලි 44 මොණරාගල දිස්ත‍්‍රික්කයෙන් ලැබී ඇති අතර මේවායෙන් සැලකිය යුතු ප‍්‍රමාණයක් ප‍්‍රචණ්ඩ ක‍්‍රියා පිළිබඳවය.
මේ අතර ඉහල යමින් ඇති ප‍්‍රචණ්ඩත්වය පාලනය කිරීම සඳහා මැතිවරණ කොමසාරිස්වරයා ඊයේ පොලිසියට උපදෙස් මාලාවක් ලබාදුන්නේය.
නියෝජ්‍ය මැතිවරණ කොමසාරිස් එම්.එම් මොහොමඞ් මහතා පවසා ඇත්තේ
''පසුගිය දිනවලදී මොණරාගල දිස්ත‍්‍රික්කයේ මැතිවරණ නීති උල්ලංගණය කිරීම් පිළිබදව ලැබුණු පැමිණිලි සැලකිල්ලට ගනිමින් මැතිවරණ කොමසාරිස් මහින්ද දේශපි‍්‍රය මහතා විසින් මොණරාගල දිස්ති‍්‍රක්කය තුළ ප‍්‍රධාන මාර්ග වලදී මාර්ග බාදක යොදමින් රාතී‍්‍ර කාලයේ වාහන පරික්ෂා කිරීමේ කටයුතු වල නිරත වන ලෙස පොලිස් දෙපාර්තුමේනතුවට දැනුම් දී තිබෙනවා.මගී ප‍්‍රවාහන බස් රථ හැර සියළුම පරික්ෂාවට භාජනය කළ යුතු බව කොමසාරිස් විසින් දැනුම් දී තිබෙනවා''
ඌව පළාතේ දිනෙන් දින වැඩිවෙමින් ඇති මැතිවරණ ප‍්‍රචණ්ඩ ක‍්‍රියා සම්බන්ධයෙන් පොලිස් ප‍්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා කියා සිටියේ නිදහස් හා සාධාරණ මැතිවරණයක් තහවුරු කිරීම පොලිසියට පමණක් කළ නොහැක්කක් බවය.
''මේ ගැටුම් ඇති කර ගන්නේ ඒ පක්ෂවලම ආධාර කරුවෝ සමහර වෙලාවට අපේක්ෂකයෝ දන්නෙත් නැහැ ගැටුම් ඇති කර ගැනීම් ගැන,ඒ ආධාර කරුවන් පාලනය කරගෙන නීතිය කි‍්‍රයාත්මක කරගෙන පොලිසියට සහය වීම හැමකෙනෙක්ගේම යුතුකමක් සහ වගකීමක්''
මැතිවරණ නීතිය නිවැරදිව ක‍්‍රියාත්මක නොකරන ස්ථානාධිපතිවරුන්ට එරෙහිව විනය පියවර ගන්නා බවද පොලිස් ප‍්‍රකාශකවරයා කියා සිටියේය. ප‍්‍රචාරක කාර්යාලය පවත්වා ගෙන යා යුත්තේ ද අදාල නීතිවලට යටත්ව බව එහිදී අවධාරණය කෙරුණි.
