1974 වසරේ අත්සන් තැබුණු ද්විපාර්ශ්වික ගිවිසුමකින් කච්චතිව් දූපත ශ්රී ලංකාවට පවරා දුන්නේය. ඒ අනුව එම දූපතේ සම්පූර්ණ අයිතිය දැන් ශ්රී ලංකාවට හිමිව තිබෙන බව ඉන්දීය නිතිපතිවරයා ප‍්‍රකාශ කරයි.
ශ්රී ලංකාවේ රඳවාගෙන සිටින ඉන්දීය ධීවරයින් පිරිසක් නිදහස් කරවා ගැනීම සඳහා වහාම මැදිහත්වන්නැයි ඉල්ලා සිටිමින් එරට පාර්ලිමේන්තු මන්ත‍්‍රීවරුන් දෙදෙනෙකු විසින් ගොනුකරන ලද පෙත්සමක් ශ්‍රේෂ්ඨාධිකරණයේ සලකා බැලෙමින් තිබිය දී නීතිපතිවරයා අදාල දැනුම්දීම කළේය.
ඊට ප‍්‍රතිචාර දක්වමින් ශ්‍රේෂ්ඨාධිකරණයේ විනිසුරුවරුන් ප‍්‍රකාශ කළේ ප‍්‍රශ්න විසඳා ගත යුත්තේ යුද්ධයෙන් නොව සාමකාමීව බවය.
මේ අතර කච්චතිව් දූපත නැවත ඉන්දියාවට පවරා ගන්නැයි ඉල්ලමින් තමිල්නාඩු ප‍්‍රධාන අමාත්‍ය ජයලලිතා ජයරාම් සහ විපක්‍ෂ නායක එම්.කරුණානිධි විසින් ගොනුකරන ලද පෙත්සම් දෙකක් ලබන සතියේ විභාගයට ගැනීමට නියමිතව ඇත.
එම පෙත්සමෙන් තර්ක කර ඇත්තේ 1974 වසරේ අත්සන් තැබුණු ද්විපාර්ශ්වික ගිවිසුම වලංගු එකක් නොවන බවය .
(නෙත් එෆ්.එම්)
