එක්සත් ජාතික පක්ෂයේ 68 වන සංවත්සරය සැප්තැම්බර් මස 06 දා පස්සර පොදු ක්‍රීඩාංගනයේදී පැවැත්වේ.
එදින සජිත් ප්‍රේමදාස මහතා එජාප නියෝජ්‍ය නායකයා ලෙස ප්‍රකාශයට පත් කිරීමට නියමිතය.
ඌවේ එජාප මහ ඇමති අපේක්‍ෂක හරීන් ප‍්‍රනාන්දු මහතා සිය පාර්ලිමේන්තු මන්ත්රී ධුරය අතහැර ආවේද රනිල් සජිත් එක් වේදිකාවකට ගොඩවන පොරොන්දුව මතයි.
එක්සත් ජාතික පක්ෂයේ නියෝජ්‍ය නායක තනතුර සජිත් ප්‍රේමදාස මහතාට ලබාදුනහොත් ඌව පළාත් සභා මෙන්ම අනෙක්‌ ජාතික මැතිවරණවලදී පක්ෂයේ ජයග්‍රහණයට එය විශාල රුකුලක්‌ බව එම පක්ෂයේ මොනරාගල දිස්‌ත්‍රික්‌ පාර්ලිමේන්තු මන්ත්රී රංජිත් මද්දුම බණ්‌ඩාර මහතා පැවසීය.
සජිත් ප්‍රේමදාස මහතා ඉදිරියේදී පක්ෂයේ නියෝජ්‍ය නායකයා වශයෙන් පත්වනු ඇතැයි තමන් බලාපොරොත්තුවන බව ද හෙතෙම සිරිකොතදී ඊයේ (26 ) පැවැති මාධ්‍ය හමුවේදී මාධ්‍ය විසින් නගන ලද ප්‍රශ්නවලට පිළිතුරු සපයමින් පැවසීය.
එක්සත් ජාතික පක්ෂයේ ජාතික නායක රනිල් වික්‍රමසිංහ මහතා හා එම පක්ෂයේ ජනප්‍රිය නායක සජිත් ප්‍රේමදාස මහතා සැප්තැම්බර් මස 06 දා පස්සරදී එකම වේදිකාවක අසුන් ගැනීමට නියමිතය.
Leave a comment
