අද සිට ලබන 15 වැනි දා දක්වා මාර්ගගත ක්‍රමයට පමණක් අයැදුම්පත් කැඳවීම සිදු කෙරෙන බවයි විභාග දෙපාර්තමේන්තුව සඳහන් කළේ.
ඒ අනුව සියලුම පාසල් අයැදුම්කරුවන් තම පාසලේ විදුහල්පති මගින් ද පෞද්ගලික අයැදුම්කරුවන් පෞද්ගලිකවම ද අදාළ උපදෙස් අනුව අයැදුම් කළ යුතු බව සඳහන් වේ.
මෙවර පෞද්ගලික අයැදුම්කරුවන් විභාගයට අයැදුම් කිරීමේදී ජාතික හැඳුනුම්පත අනිවාර්ය කර ඇත.
ජාතික හැඳුනුම්පත නොමැති වයස අවුරුදු 15 ට අඩු විභාග අපේක්ෂකයින්, ඒ සඳහා අයැදුම් කිරීමට විභාග දෙපාර්තමේන්තුවට අනිවාර්යයෙන් පැමිණිය යුතුය.
කිසිදු හේතුවක් මත අයැදුම්පත් කැඳවීමේ කාලය දීර්ඝ නොකරන බව ද විභාග දෙපාර්තමේන්තුව නිවේදනය කළේ ය.
-P.M
