ජවිපෙ නායක අනුර දිසානායක මහතාගේ  ප්‍රධානත්වයෙන් බඩල්කුඹුර නගරයේදී පැවැත්වීමට නියමිතව තිබු ජන හමුවක් සඳහා වේදිකාව සරසමින් සිටි ජවිපෙ සාමාජිකයින් හට බඩල්කුඹුර ප්‍රාදේශීය සභාවේ උප සභාපති සමග පැමිණි මැර පිරිසක් පහරදීමක් සිදු කර ඇති බව එම පක්‍ෂයේ ප‍්‍රචාරක ලේකම් පාර්ලිමේන්තු මන්ත‍්‍රී විජිත හේරත් මහතා පැවසිය. 


අද (26) අළුයම 1.00ට පමණ මෙම පහර දීම සිදු වී තිබේ.  

පොළු මුගුරු රැගෙන පැමිණ ඇති මැර පිරිස් ජවිපෙ සාමාජිකයින් හට අමානුෂික ලෙස පහර දී දේපළවලට අලාභ හානි සිදු කර තිබේ. 

මේ පිළිබඳ පොලීසියට පැමිණිලි කර බොහෝ වේලාවකට පසුව පොලීසිය පැමිණියද පොලීසිය එම ස්ථානයේ රැඳී සිටියදීම මැර පිරිස් විසින් වෙඩි තැබීමක්ද සිදු කර තිබේ. සිදුවීමෙන් ජවිපෙ සාමාජිකයින් හට බරපතළ ලෙස තුවාල සිදු වී තිබේ. 

මොනරාගල දිස්ත්‍රික් කණ්ඩායම් නායක ආර්. එම්. ජයවර්ධන මහතාගේ  නිවසද පිහිටා ඇත්තේ බඩල්කුඹුර නගරය ආසන්නයේ වන අතර එම අවස්ථාවේ ඔහුද එම ස්ථානයේ සිට ඇත.