එක්සත් ජාතික පක්ෂයේ නියෝජ්‍ය නායක තනතුර නැවතත් වහාම සජිත් ප්‍රේමදාස මහතාට ලබා දීමට ගෙන ඇති තීරණයට එරෙහිව, එම 'සන්ධාන වැඩපිළිවෙල' ක්‍රියාත්මක කරන එජාප සභාපති කබීර් හෂිම්, මංගල සමරවීර, රවී කරුණානායක, රුවන් විජයවර්ධන යන නායකත්ව මණ්ඩල සාමාජිකයින් හා හිටපු සභාපති මලික් සමරවික්‍රම මහතා විරෝධය ප්‍රකාශ කර ඇති තිබේ.
ඔවුන් ප්‍රසිද්ධියේ ප්‍රකාශ කර ඇත්තේ සජිත් ප්‍රේමදාස මහතා සන්ධාන විරෝධියකු බැවින්, සන්ධානය ගොඩනැගෙන තෙක් ඔහුට නියෝජ්‍ය නායකත්වය නොදෙන ලෙසයි.
නමුත් ඉහත පිරිසගේ විරෝධතාවයනොතකා සජිත් ප්‍රේමදාස මහතාට නියෝජ්‍ය නායකත්වය ලබාදීමට රනිල් වික්‍රමසිංහ මහතා තීරණය කර ඇත.
ඌව පළාත් සභා මැතිවරණය ජයග්‍රහණය කිරීම ඉලක්ක කර ගනිමින් වහාම නියෝජ්‍ය නායක තනතුර සජිත් ප්‍රේමදාස මහතාට ලබා දීමට එජාප නායකත්වය සූදානම්වේ.
මෙම අර්බුදයත් සමඟ යළිත් වටයකින් එජාප අභ්‍යන්තර අර්බුදය කරළියට පැමිණ ඇති බව දේශපාලන ආරංචි මාර්ග අනාවරණය කරයි.
ජනාධිපතිවරණය වෙනුවෙන් එක්සත් ජාතික පක්ෂය සැළසුම්කර තිබු 'පොදු සන්ධාන' වැඩපිළිවෙල සම්පූර්ණයෙන්ම අර්බුදයට ලක් වී ඇති බව එම පක්ෂයේ අභ්‍යන්තර ආරංචිමාර්ග සඳහන් කරයි.
Leave a comment
