මහනුවර උණුමින්න කන්දේ හංදිය ගුරුබැද්ද පදිංචිකරුවන් වන ඩී. එම්. සමන් කුමාර දිසානායක සහ ඒ. එම්. සමරකෝන් බංඩාර විජේකෝන් යන විතිතිකරුවන් මෙලෙස මරණ දඩුවමට නියම විය.
විත්තිකරුවන්ට එරෙහිව පැමිණිල්ල විසින් නගා ඇති චෝදනා සාධාරණ සැකයෙන් ඔබ්බට ඔප්පු කිරීමට පැමිණිලි පාර්ශ්වය සමත්ව ඇති බව විත්තිකරුවන් දෙදෙනාට මරණ දඬුවම නියම කරමින් මහාධිකරණ විනිසුරු පැවසුවේය.
2010 වසරේ ජූලි 27 වනදා හෝ ඊට අසන්න දිනයක මහනුවර මහාධිකරණ බල ප්‍රදේශයට අයත් කන්දේ හංදියේදී පහර දී සාමි අයියා ධන බාලසිංහම් යන අයව ඝාතනය කල බවට නීතිපතිවරයා විසින් ලංකා දණ්ඩ නීති සංග්‍රහයේ 296 වන වගන්තිය ප්‍රකාරව මෙම විත්තිකරුවන්ට එරෙහිව මහනුවර මහාධිකරණය හමුවේ අධි චෝදනා ගොනු කර තිබිණ.
මෙම නඩුවට නම් කර සිටි සාක්ෂිකරුවන් ගණන 14 කි. ඉන් හතක් ඇසින් දුටු සාක්ෂි ය.
