එවක පැවැති පාලනය හා බලධාරීන් ගත් වැරදි ආර්ථික තීන්දු තීරණ නිසා රටේ ජනතාවගේ මූලික අයිතිවාසිකම් කඩ වී ඇති බවට ලබා දුන් මෙම තීන්දුව අනුව වන්දි නඩු පැවැරිය හැකි බවට දැනටමත් නීති විශාරදයන් සිය මතය පළ කර ඇති බැවින් ඒ අනුව මෙම ඉදිරි ක්‍රියාමාර්ග ගන්නේ යැයි ඔහු සඳහන් කර තිබේ.
මෙම නඩු සිවිල් වාණිජ අධිකරණයක හෝ දිසා අධිකරණයක පැවැරිය හැකි බවට නීති උපදෙස් ලැබී ඇති බවත්, මේ සම්බන්ධයෙන් සමස්ත ලංකා පාරිභෝගික එකමුතුව මේ දිනවල සාකච්ඡා කරමින් සිටින බවත්, හෙතෙම පැවසීය.
ගෑස් අනතුරුවලින් පමණක් පුද්ගල මරණ දහයකට වඩා සිදු වූ නමුත් අදටත් රජය ඊට සාධාරණය ඉටු කර නැතැයිද ඔහු චෝදනා කර තිබේ.
ගෑස් පිපිරීම් ඇතුව විවිධ අංශවලින් පසුගිය පාලන කාලයේදී ආර්ථික අපරාධ රැසක් සිදු වී ඇති බවත්, ඒවාට එරෙහිව මානව හිමිකම් කොමිසම නිකුත් කළ නිර්දේශවලින් කිසිදු පලක් වී නොමැති බවත්, ඔහු වැඩිදුරටත් සඳහන් කළේය.
