ඊශ්‍රායලයේ පවතින තත්ත්වය සමීපව නිරීක්ෂණය කරමින් සිටින අතර අපගේ ශ්‍රී ලාංකික සංක්‍රමණික සේවකයින් ආරක්ෂා කිරීම සඳහා කඩිනම් ක්‍රියාමාර්ග ගැනීමට සූදානම්ව සිටින බවයි ඒ ඔහු සඳහන් කර ඇත්තේ.
ඊශ්‍රායල ආරක්ෂක අංශ හා හමාස් සංවිධානය අතර ඇති වූ ගැටුම්වලින් මිය ගිය සංඛ්‍යාව දහසක් පමණ වන බව විදෙස් මාධ්‍ය සඳහන් කරනවා.
ගැටුම් හේතුවෙන් ගාසා තීරයේ එක්ලක්ෂ විසිපන්දහසකට ආසන්න පිරිසක් අවතැන්ව සිටින බවයි ජගත් සංවිධානය පවසන්නේ.
පසුගියදා හමාස් සංවිධාන ඊශ්‍රායලය ඉලක්ක කරගනිමින් රොකට් ප්‍රහාර 5000ක් පමණ එල්ල කිරීමත් සමග දෙපාර්ශවය අතර ගැටුම් ආරම්භ වුණා.
හමාස් ප්‍රහාරයන්ගෙන් 300කට අධික සංඛ්‍යාවක් ජිවිතක්ෂයට පත්ව තවත් 2000ක් පමණ තුවාල ලැබු බවයි වාර්තා වන්නේ.
අනතුරුව ඊයේ දිනයේ දී ඊශ්‍රායල ආරක්ෂක අංශ හමාස් සංවිධානය ඉලක්ක කරගනිමින් ප්‍රහාර එල්ල කිරීම ආරම්භ කළා. එමෙන්ම ගාසා තීරයෙන් ඉවත්ව යන ලෙසයි ඊශ්‍රායල ආරක්ෂක අංශ ජනතාවට දැනුම් දී ඇත්තේ.
මේ අතර ඊශ්‍රායල සහ හමාස් සංවිධානය අතර පැවති ගැටුම් අතරතුරදී තවත් ශ්‍රී ලාංකික කාන්තාවක් අතුරුදන්ව ඇති බව අනාවරණය වී තිබේ.
ඊශ්‍රායලයේ ශ්‍රී ලංකා තානාපති නිමල් බණ්ඩාර පැවසුවේ එම කාන්තාව පිළිබඳ තොරතුරු සෙවීම සදහා ජාත්‍යන්තර රතු කුරුස සංවිධානය වෙත අද දැනුම්දෙන බවයි.
