මෙමඉල්ලීම් පිළිබඳව අධ්‍යාපන අමාත්‍යාංශය සමඟ සාකච්ඡා කර ලිංගික අධ්‍යාපන විෂය විද්‍යා විෂය යටතේ ඉගැන්වීම සම්බන්ධව කටයුතු සම්පාදනය කරමින් පවතින බව ජාතික ලිංගාශ්‍රිත හා ඒඩ්ස් මර්දන ව්‍යාපාරයේ අධ්‍යක්ෂ වෛද්‍යසිසිර ලියනගේ මහතා පවසයි.
ඉහළ පන්තිවල සිසුන්ට ඒඩ්ස් රෝග තත්ත්වය හා ලිංගික අධ්‍යාපනය පිළිබඳව අවබෝධයක් ලබාදීම මඟින් ලිංගික සම්බන්ධතා, ගැබ් ගැනීම් හා සමාජ රෝග වළක්වා ගැනීම පිළිබඳවයථාවබෝධයක් ලබාගත හැකි බව ඒ මහතා සදහන් කරයි.
ඉහළ පන්තිවල සිසුන්ට සෞඛ්‍ය විෂය යටතේ මීට අදාළව ලබා දෙන දැනුම හා අවබෝධය කිසිසේත්ප්‍රමාණවත් නැතැයි ද වෛද්‍ය සිසිර ලියනගේ මහතා පෙන්වා දෙයි.
මෙමවිෂය කරුණු පිළිබඳව දැනටමත් සෞඛ්‍ය ඇමැතිවරයා සහ අධ්‍යාපන ඇමැතිවරයා අතර සාකච්ඡා පවත්වා අදාළ කරුණු අවධානයට යොමුකර තිබෙන බව ද වෛද්‍ය ලියනගේ මහතා අවධාරනය කරයි.
පසුගිය කාලය පුරාවටමශී‍්‍ර ලංකාව නිවැරදි ලිංගික අධ්‍යාපන ක‍්‍රමවේදයක් නොමැතිවීම නිසා අත්විදි ප‍්‍රතිවිපාක ඉතාමත් බරපතල බව සංඛ්‍යා ලේඛන අධ්‍යනය කිරීමෙන්පෙනී යන බවද සඳහන් වෙයි.
