අද දිනයේ 'දිවයින' පුවත්පත පළ කර තිබෙන ප්‍රධාන ශීර්ෂ පාඨය අනුව ඇතැම් දේශපලකයන් තම නිවාසවල වටිනාකම් සහ එම නිවාස වල තිබු භාණ්ඩ මිල මුදල් ආදිය සම්බන්ධයෙන් වැරදි තොරතුරු ලබා දී රජයේ තක්සේරු වටිනාකම් ඉහළ දමා ගැනීමෙ උත්සාහයක යෙදෙමින් තිබෙන බව වාර්තා කර ඇත.
කෙසේ නමුත් මෙම පුවත අවභාවිත කරමින් රජය විසින් දේශපාලකයන්ට ගෙවන වන්දි මුදල් දෙගුණ කිරීමට කටයුතු කරමින් තිබෙන බවට තොරතුරු සමාජ මාධ්‍ය ඔස්සෙ බෙදා හැරෙමින් පවතී.
මේ වන විටත් අදාල නිවාස සම්බන්ධයෙන් රජයේ තක්සේරුකරුවන් විසින් අදාල විමර්ශන කරමින් එම වාර්තා පිළියෙල කරමින් පවතී. මෙම නිලධාරීන්ට දේපොළ හිමිකරුවන්ගෙන් බලපෑම හෝ වැරදි තොරතුරු ලබා දීම සිදුව ඇති නම් ඒ සම්බන්ධයෙන් ගත හැකි පියවරයන් තිබේ. තමන්ගේ රාජකාරිය නිවැරදිව සිදු කිරීමේ බලය මේ රාජ්‍ය නිලධාරීන් සතුව තිබෙන අතර අනවශ්‍ය බලපැමක් සිදු කෙරේ නම් ගත හැකි නීතිමය පියවරයන්ද තිබේ. ඒ සඳහා රජයේ පූර්ණ සහයෝගය මෙන්ම ආරක්ෂාවද මෙම නිලධාරීන්ට තිබේ.
ඒ අනුව තක්සෙරු කිරීම නිවැරදිව සිදු වීම විය යුතු අතර අදාල අලාබයන් සඳහා රජය පිළිගන්නා තක්සේරු ක්‍රමවේදය අනුව සාධාරණය ඉ‍ටු විය යුතුය.
