ගෑස් මිල ගණනය කරන සූත්‍රයට අනුව මෙම මිල අඩු කිරීම සිදුවන බවයි ලිට්රෝ සමාගම සඳහන් කළේය.
පසුගිය අගෝස්තු මස 9 වනදා ද කිලෝග්‍රෑම් 12.5 ගෘහස්ථ ගෑස් සිලින්ඩරයක මිල රුපියල් 246කින් පහත දැමීමට ලිට්රෝ සමාගම පියවර ගෙන තිබිණි.
ඒ අනුව ගෘහස්ථ ගෑස් සිලින්ඩරයක් මේ වනවිට අලෙවි වන්නේ රුපියල් 4,664ක මිලකටයි.
කෙසේවෙතත් ගෑස් මිල අඩු වුවත් ආපනශාලවල ආහාර මිල ගණන් අඩු කිරිමට හැකියාවක් නොමැති බවයි සමස්ථ ලංකා ආපණශාලා හිමියන්ගේ සංගමයේ සභාපති අසේල සම්පත් කියා සිටියේය.
මේ අතර වෙළඳපොළේ පාන් පිටි මාෆියාවක් ක්‍රියාත්මක වන බව සමස්ත ලංකා කුඩා කර්මාන්තකරුවන් පවසයි.
එය නතර කිරීම සඳහා රජය මැදිහත් විය යුතු බව කුඩා කර්මාන්තකරුවන්ගේ සංගමයේ ජාතික සංවිධායක නිරුක්ෂ කුමාර කොළඹ ඊයේ (04) පැවති මාධ්‍ය හමුවක දී කියා සිටියේය.
කෙසේවෙතත් පාරිභෝගික සුරක්ෂිතා අමාත්‍ය නලින් ප්‍රනාන්දු කොළඹ ඊයේ පැවති මාධ්‍ය හමුවකදී කියා සිටියේ මේ මොහොතේ පාන් පිටි මිල ඉහල දැමීමට කිසිදු හේතුවක් නොමැති බවය.
