දේශපාලන ආරංචි මාර්ග සඳහන් කරන්නේ, සර්ව පාක්ෂික වැඩපිළිවෙළ යටතේ මෙම නව කැබිනට් මණ්ඩලය පත් කිරීමට බොහෝ දුරට ඉඩ ඇති බව ය.
ලබන 30 වැනි දා සංශෝධිත විසර්ජන පනත් කෙටුම්පතක් පාර්ලිමේන්තුවට ඉදිරිපත් කෙරීමට නියමිතය.
කෙසේ වෙතත් ජනාධිපති රනිල් වික්‍රමසිංහ සහ සියලු දේශපාලන පක්ෂ අතර සර්ව පාක්ෂික ආණ්ඩුවක් සම්බන්ධයෙන් සාකච්ඡාවක් පැවතියත් ඒ සම්බන්ධයෙන් අවසන් තීරණයක් මෙතෙක් ගෙන නොමැත. වාර්තා වන ආකාරයට සර්ව පාක්ෂික ආණ්ඩුවක් පිහිටුවීමට විපක්ෂයේ සහයෝගය නොලැබුණත් සර්ව පාක්ෂික වැඩපිළිවෙලකට යටත් මුහුණුවරක් ගත් ආණ්ඩුවක් පිහිටුවීමට ජනාධිපතිවරයාගේ උත්සාහය වී තිබේ.
මෙම නව කැබිනට් මණ්ඩලයට ශ්‍රී ලංකා පොදුජන පෙරමුණෙන් දැනට අමාත්‍ය ධුර දරන මෙන්ම අමාත්‍ය ධූර දැරූ කිහිප දෙනෙකු ද සමගි ජන බලවේගයේ පිරිසක් ද ඇතුළත් වනු ඇති බව යි දේශපාලන ආරංචි මාර්ග සඳහන් කරයි. එසේම ජනාධිපතිවරයා සඳහන් කර තිබුණේ තමන් සමඟ ජව සම්පන්නව කටයුතු කළ හැකි පිරිසක් කැබිනට් මණඩලයට පත්කරන බවය.
