ශ්‍රී ලංකා පොදුජන පෙරමුණ ඊයේ(අගෝ: 18) පස්වරුවේ නිල සාකච්ඡාවක් සදහා ජනාධිපතිවරයා හමු වී ඇති අතර එම සාකච්ඡාව ජනාධිපති කාර්‍යාලයේදී පවත්වා ඇත.
මෙහිදී අදහස් පල කරමින් ශ්‍රී ලංකා පොදුජන පෙරමුණේ ජාතික සංවිධායක හිටපු අමාත්‍ය බැසිල් රාජපක්ෂ මහතා පවතින ආර්ථික අර්බුදය විසදමින් රට ගොඩ නැගීම සදහා ශ්‍රී ලංකා පොදුජන පෙරමුණ ජනාධිපතිවරයාට පූර්ණ සහාය ලබා දෙන බව පවසා ඇත.
ඊට අමතරව ඔහු හිටපු ජනාධිපති ගෝඨාභය රාජපක්ෂට ආරක්ෂිතව යළි දිවයිනට පැමිණිම සදහා කඩිනමින් අවකාශ සැලසිය යුතු බව ද එය ශ්‍රීලංකා පොදුජන පෙරමුණ ජනාධිපතිවරයා ඇතුළු රජයෙන් ඉල්ලා සිටින ප්‍රමුඛතම ඉල්ලීම බවද බැසිල් රාජපක්ෂ මහතා සදහන් කර ඇත.
මීට පෙර අවස්ථා කිහිපයකදී අතිපූජ්‍ය ඉත්තෑපානේ ධම්මාලංකාර මහනාහිමිපාණන් ඇතුළු නායක ස්වාමීන්වහන්සේලා කිහිපනමක්ම මේ ඉල්ලීම ජනාධිපතිතුමාගෙන් සිදුකර තිබිණි.
ඊයේ පැවති සාකච්ඡාවට පොදුජන පෙරමුණ වෙනුවෙන් ප්‍රසන්න රණතුංග, සාගර කාරියවසම්, රෝහිත අබේගුණවර්ධන, ජොන්ස්ටන් ප්‍රනාන්දු, පවිත්‍රා වන්නිආරච්චි, නාමල් රාජපක්ෂ සහ සංජීව එදිරිමාන්න සහභාගි වී ඇත..
ජනාධිපතිතුමාගේ පාර්ශවයන් සාගල රත්නායක, වජිර අබේවර්ධන, රුවන් විජේවර්ධන හා ශමල් සෙනෙවිරත්න සහභාගි වී ඇත.
