ශ්‍රී ලංකාවේ බතික් සහ විලාසිතා කර්මාන්තය නිරූපණය කෙරෙන විලාසිතා දැක්මක් සහ අතථ්‍ය ඉදිරිපත් කිරීමක් මෙම අවස්ථාවේදී නරඹන්නන් වෙත ඉදිරිපත් කෙරිණි.
ශ්‍රී ලාංකේය බතික් සාරි, ඇඳුම් පැළඳුම්, වෙරළ ඇඳුම් ආයිත්තම්, එතුම් රෙදිපිළි, සාළු සහ හිස් ආවරණවලින් සැරසුණු තුර්කි නිරූපිකාවෝ වට තුනකින් විලාසිතා දැක්ම ඉදිරිපත් කළහ. එම වර්ණවත් සන්ධ්‍යාව තුර්කි මාධ්‍ය නියෝජිතයන් ඇතුළු ආරාධිත අමුත්තන්ගේ නොමඳ පැසසුමට ලක් විය.
තුර්කි මාධ්‍ය සහ අනෙකුත් ආරාධිතයින් හට ශ්‍රී ලාංකීය බතික් පිළිබඳ මනරම් සමීප දසුනක් ලබා දීමට සහ ශ්‍රී ලංකාවේ බතික් කර්මාන්තයේ ශක්‍යතාව ප්‍රදර්ශනය කිරීමට අන්කාරා හි ශ්‍රී ලංකා තානාපති කාර්යාලය මඟින් විලාසිතා දැක්මක් සංවිධානය කෙරුණු පළමු අවස්ථාව මෙයයි.
සිත්ගන්නා සුළු විලාසිතා දැක්ම නැරඹීමෙන් උද්දාමයට පත් වූ ආරාධිත පිරිස ශ්‍රී ලාංකීය සාරිවල අපූර්වත්වය අත්විඳීම සඳහා ශ්‍රී ලාංකීය බතික් ඇඳුමින් සැරසෙන ලෙස දූත කාර්ය මණ්ඩලයෙන් ඉල්ලා සිටියහ.
ශ්‍රී ලංකා දේශීය සංස්කෘතියේ ගැඹුරින් මුල්බැස තියෙන සහ සාම්ප්‍රදායික රෙදිපිළි කලාව ලෙස වැලඳගෙන තියෙන බතික් කර්මාන්තය , ශ්‍රී ලංකාවේ බතික් කලාකරුවන්ට ආවේණික වූණු මෝස්තර සහ ශිල්පීය ක්‍රම නිර්මාණය කරමින් තමන්ගේම ස්ථානයක් හදාගෙන තියෙනවා.දේශීය හා විදේශිකයන් අතරත් ජනප්‍රිය වෙලා තියෙන මුල් බතික් මෝස්තර රටේ පොහොසත් සංස්කෘතිය විදහා දක්වනවා
නූතන යුගයේ දී, බතික් ලංකාවේ හස්ත කර්මාන්ත අතර ගොඩක් ජනප්‍රිය වෙලා තියෙනවා.ගොඩක් සංචාරක ප්‍රදේශවල, වෙළඳපලවල හෝ සිහිවටන තියෙන සාප්පු වලින් බතික් ලබාගන්න පුළුවන් වෙලා තියෙනවා. ගොඩක් වෙලාවට සංස්කෘතියෙන් පොහොසත් මේ දුපතේ සංචාරය ගැන සිහිවටනයක් විදිහට විදේශිකයන් මේ බතික් මිලදී ගන්නවා.
ශ්‍රී ලංකාවේ බතික් වලට දැන් වෙනම නියෝජිත අමාත්‍යංශයක් තියෙනවා වගේම බතික් කර්මාන්තය නඟා සිටුවන්න හා වැඩිදියුණු කරන්න පියවර ගනිමින් ඉන්නවා. බතික් ශ්‍රී ලංකාවට ආවේණික නොවූවත්, ශ්‍රී ලංකාවේ සංස්කෘතික හා රෙදිපිළි කර්මාන්තයේ ගැඹුරු මූලයන් ඇති කරලා තියෙන නිසාම, අපේ මේ ලස්සන දිවයිනට ආවේණික වුණු ශෛලියක් හා අනන්‍යතාවයක් බිහිවෙලා තිබෙනවා. මෙම කලාව හැමදාම අපේ දේශීය කලාකරුවන්ගේ නිර්මාණශීලීත්වයේ සුන්දර ප්‍රකාශණයක් වෙනවා වගේම ශ්‍රී ලංකාවට,ලංකාවේ සංස්කෘතිය ලෝකය එක්ක බෙදා ගන්න මේ බතික් අපූරු මාධ්‍යයක් වෙනවා පමණක් නොව මෙම කර්මාන්තය පිලිබදව වඩා වඩාත් අවදානය යොමුකරමින් කටයුතු කළහොත් පවතින ඩොලර් අර්බුදයටත් හොදම විසදුමක් වනවා.
-මහේෂි
