ආජන්ටිනාවට නම් IMFඩොලර් බි. 4ක් දුන්නා.. ලංකාවට ගන්න විපක්ෂය ඉඩ දෙයිද?

Published in පුවත්
Wednesday, 29 June 2022 13:23

දැඩි ආර්ථික අර්බුදයකට මැදිවී සිටින ආජන්ටිනාවට ජාත්‍යන්තර මූල්‍ය අරමුදලේ විධායක මණ්ඩලය විස්තීරණ අරමුදල් පහසුකම (EFF) යටතේ අමෙරිකා ඩොලර් බිලියන 4.01ක් අනුමත කළ බව ජාත්‍යන්තර මූල්‍ය අරමුදල පසුගියදා වාර්තා කර තිබිණි. අඛණ්ඩව කාර්ය සාධන නිර්ණායක සපුරා ඇති බැවින් ආජන්ටිනාවට සහාය දැක්වීමට පියවර ගත් බව ජාත්‍යන්තර මූල්‍ය අරමුදල ප්‍රකාශ කර තිබේ.

පසුගිය මාර්තු මාසයේදී ආජන්ටිනා රජය එරට මහ බැංකුව සකස් කරනු ලැබූ ප්‍රතිපත්ති රාමුව ජාත්‍යන්තර මූල්‍ය අරමුදල අනුමත කිරීමට කටයුතු කිරීම සමඟ ආජන්ටිනාවට සහාය දැක්වීමට ඉදිරිපත් වූ ජාත්‍යන්තර මූල්‍ය අරමුදල මාස 30 ක සැලසුමක් සහිත ඩොලර් බිලියන 44.5ක පැකේජයක් ලබා දුන් අතර, පසුගියදා අනුමත කරනු ලැබුවේ එහි පළමු වාරිකයය.

ආජන්ටිනා රජය රටෙහි පවතින වියවුල් තත්ත්වය නොතකා , අරමුදල් අවශ්‍යතාවලට අනුකූලව කටයුතු කර ඇති බැවින් මේ පියවර ගත් බව ජාත්‍යන්තර මූල්‍ය අරමුදලේ කළමනාකාර අධ්‍යක්ෂිකා ක්‍රිස්ටලිනා ජෝර්ජිවා සඳහන් කර තිබේ. මෙම මගින් ආර්ජන්ටිනාවට ගෙවුම් ශේෂය අර්බුදය සමනකර ගැනීමට සහය ලබා දෙන අතර එය රාජ්‍ය මූල්‍ය ශක්තිමත් කිරීම, නොනැසී පවතින ඉහළ උද්ධමනය මැඩපැවැත්වීම, සංචිත සමුච්චය ඉහළ නැංවීම සහ වඩාත් තිරසාර ආර්ථික වර්ධනය සඳහා පදනම සැකසීම සඳහා නිශ්චිත පියවරයන් ගනනාවක් සමඟ මෙම එකඟතාවයන් බැඳී ඇත.

කෙසේ නමුත් ඉදිරි වාරික ලැබෙනු ඇත්තේ ආජන්ටිනාව මෙම එකඟතාවයන් කඩ නොකර මුල්‍ය ප්‍රතිපත්තීන් සහ රටේ දේශපාලන ස්ථාවරත්වය යහපත් ලෙස පවත්වාගෙන යෑම සිදුවීම මතය.

වසර 1983 දී ආජන්ටිනාව එරට ප්‍රජාතන්ත්‍රවාදය නැවත ස්ථාපිත කිරීමෙන් පසු ජාත්‍යන්තර මූල්‍ය අරමුදල සමඟ ඇතිකරගත් 13 වැනි ගිවිසුම මෙය වන අතර, මෙවර අනුමත කර ඇති ණය මුදල ආපසු ගෙවීමේ සහන කාලය වසර 2026 සිට 2034 දක්වා දීර්ඝ කර ඇත.

මේ වන විට ශ්‍රී ලංකාවේ මුල්‍ය අර්බුදය විසඳා ගැනීම වෙනුවෙන් ජාත්‍යන්තර මූල්‍ය අරමුදල සමඟ මූලික සාකච්ඡා සිදුවෙමින් පවතී. එහිදී ද එම අරමුදල විසින් මෙරටින් ඉල්ලා ඇත්තේ මෙරට ආර්ථික ප්‍රතිපත්ති රාමුව සකස්කර ලබාදීම විය යුතු බවය. එසේම අඛණ්ඩව කාර්ය සාධන නිර්ණායක අනුව කටයුතු කළ යුතුය. ඒ අනුව එම තත්වයන් පිළිගැනීමෙන් පසුව අදාල ණය මුදල් ලබා දීමට අරමුදල කටයුතු කරනු ඇත.

මෙහිදී අනෙක් වැදගත්ම දේ රටේ දේශපාලන ස්ථාවරත්වය නිසි පරිදි පවත්වාගෙන යෑමය. රට තුළ කවර අවුල් වියවුල් සිදුවූවත් දේශපාලන අධිකාරිය ශක්තිමත්ව පවත්වාගෙන යෑමට නොහැකි වුවහොත් දැනට සිදු කෙරෙන සාකච්ඡා වලින් පවා අරමුදල ඉවත් විය හැකිය. ආර්ජන්ටිනා රජය ජාත්‍යන්තර මූල්‍ය අරමුදල සමඟ කටයුතු කිරීමට එරෙහිව එදා එරට විපක්ෂය ද ජනතාව පාරට බස්සවා විශාල විනාශයකට අර ඇද්ද නමුත් රජය ඒ නොතකා කටයුතු කිරීමට සමත්වීම අද එරට ජනතාවට අර්බුදයෙන් ගැලවීමේ මාර්ගයක් පෑදී තිබේ.

කොහොම නමුත් මේ වන විටත් විපක්ෂ දේශපාලන පක්ෂ රටේ අර්බුද දඩමීමා කරගෙන පවතින පාලනය පෙරළා දැමීමේ දැඩි උත්සාහයක නිරතව සිටී. රට මුහුණ දෙන ගැටලු ආණ්ඩු මාරුවකින් විසඳිය හැකි සරළ ප්‍රශ්නයක් නොවේ. මෙම බරපතල අර්බුදයකි. බංකොලෙත් භාවයට පත්ව තිබෙන රටක් යළි ගොඩනැගිය හැක්කේ රටම ඒ වෙනුවෙන් එකතුවන්නේ නම් පමණි.

එහෙත් ඇත්ත අභියෝගය නොසලකා විපක්ෂය හුදු පාර්ශ්වික වුවමණා එපාකම් මත අවස්ථාවාදීව කටයුතු කිරීමෙන් සිදුවිය හැක්කේ රටට මේ මොහොතේ ලැබෙමින් තිබෙන ජාත්‍යන්තර සහයෝගයත් අහිමිව රටත් ජනතාවත් සොහොනකට දැක්කීම පමණි.

Leave a comment

Gossip

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

වත්මන් ජනාධිපතිවරයාට සහ ආණ්ඩුවට ජනමතයක් නොමැති බැවින් වහාම මහමැතිවරණයක් පැවැත්වීමට බලපෑම් කරන ලෙස වි...

ජාතික සභාව කඩිනමින් සක්‍රීය කරන්නැයි ජනපතිට ඉල්ලීම් රැසක්   

ජාතික සභාව කඩිනමින් සක්‍රීය කරන්නැයි ජනපතිට ඉල්ලීම් රැසක්  

ජනාධිපති රනිල් වික්‍රසිංහට රාජපක්ෂවරුන්ගෙන් සහ පොහොට්ටු කණ්ඩායමෙන් එල්ල වන බලපෑම් අවම කිරීම වෙනුවෙන්...

ගෝඨා නැවත දේශපාලනයට එනවාට රාජපක්ෂ පවුලෙන්ම විරොධයක්

ගෝඨා නැවත දේශපාලනයට එනවාට රාජපක්ෂ පවුලෙන්ම විරොධයක්

හිටපු ජනාධිපති ගෝඨාභය රාජපක්ෂව ජාතික ලැයිස්තුවෙන් මන්ත්‍රීධුරයක් ලබා දී අගමැති තනතුරට පත් කරගැනීමේ උ...

අද ඩෙඟා නටන්න හිටපු විපස්සෙට වෙච්ච දේ

අද ඩෙඟා නටන්න හිටපු විපස්සෙට වෙච්ච දේ

ඊයේ ජනාධිපති රනිල් වික්‍රමසිංහ අය වැය ඉදිරිපත් කිරීමන් පසුව අද දිනය වන විට විපක්ෂයේ දේශපාලන පක්ෂ ගනන...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us