ඇමරිකාවෙන් ශ්‍රී ලංකාවට ඩොලර් මිලියන 20 ක තවත් ආධාරයක්

Published in පුවත්
Tuesday, 28 June 2022 22:49

අද පැවති G7 සමුළුවේදී එක්සත් ජනපදයේ ජනාධිපති ජෝ බයිඩන් ශ්‍රී ලංකාවේ ආහාර සුරක්ෂිතතාව ශක්තිමත් කිරීම සඳහා අතිරේක ආධාර වශයෙන් ඩොලර් මිලියන 20ක් ලබා දෙන බව ප්‍රකාශ කර තිබේ.

මේ යටතේ ඉදිරි මාස 15 තුළ ශ්‍රී ලාංකික දරුවන් 800,000 කට වැඩි පිරිසකට පෝෂණය සහ 27,000 කට අධික ගර්භනී සහ කිරි දෙන කාන්තාවන් සඳහා ආහාර වවුචර ලබා දෙන අතරම පාසල් පෝෂණ වැඩසටහනකට සහාය වීම ද මෙම අරමුදල්වල අරමුණය.

එසේම අවදානමට ලක්විය හැකි ශ්‍රී ලාංකික ප්‍රජාවන්ගේ ආහාර නිෂ්පාදනය ඉහළ නැංවීම සඳහා කෘෂිකාර්මික ආධාර සහ මුදල් දායකත්වය තුළින් දළ වශයෙන් ගොවීන් 30,000 කට ආධාර කිරීමට ද මෙය සැලසුම් කර තිබේ.

"ජනාධිපති බයිඩන් විසින් ශ්‍රී ලංකාවට ඩොලර් මිලියන 20 ක අතිරේක ආධාරයක් ප්‍රකාශ කිරීම මගින් පෙන්නුම් කරන්නේ ආහාර සුරක්ෂිතතාව, මහජන සෞඛ්‍යය සහ සියලුම ශ්‍රී ලාංකික ජනතාවගේ ආර්ථික යහපැවැත්ම සඳහා එක්සත් ජනපදයේ ඇති අඛණ්ඩ කැපවීමයි" ශ්‍රී ලංකාවේ එක්සත් ජනපද තානාපතිනී ජුලී චන්ග් මෙම වැඩසටහන සම්බන්ධයෙන් අදහස් දක්වමින් කියා සිටියාය.

අද ප්‍රකාශයට පත් කරන ලද ඩොලර් මිලියන 20 ක මානුෂීය ආධාර, අරමුදල් සපයනු ලබන්නේ ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය (USAID) හරහාය.

මීට අමතරව ඇමරිකාව විසින් මෙරට පීඩනයට ගොදුරුව සිටින පවුල් 30 ලක්ෂයකට ආහාර අවශ්‍යතාවය වෙනුවෙන් රුපියල් 15,000 බැගින් වන වව්චර් ප්‍රදානයක් ද අරම්බ කර තිබේ. එමෙන්ම මෙරට මුල්‍ය කළමණාකාර ක්ෂේත්‍රයේ ප්‍රතිසංස්කරණයන් වෙනුවෙන් තාක්ෂණික ආධාර ලබා දීමටද එකඟව තිබිණි.

වර්තමානයේ රට මුහුණ දෙමින් සිටින අර්බුධය ජය ගැනීමට රජය දරණ උත්සාහයට සහයක් ලෙස ඇමරිකාව ලබා දෙන මෙම ආධාර මේ මොහොතේ අතිශය වැදගත්ය. ආර්ථික අර්බුදය, මානුෂික අර්බුදයක් දක්වා ඇදි ඇදී ගොස් මහා ඛේදවාචකයක් නිර්මාණය වීමේ අනතුර මේ වන විට රට හමුවේ තිබේ. ආහාර සහ ඖෂධ මිළ අධික කම සහ හිඟතාවය ඉදිරියේදී විශාල බලපෑමක් සමස්ත සමාජය ට කරනු ඇතැයි මේ වන විට අණාවැකි පැවැසී ඇත.

එම තත්වය හමුවේ ඒ වැලැක්වීම අරමුණු කරගෙන මේ ලැබෙන ජාත්‍යන්තර ආධාර නිවැරදි ලෙස ලැබිය යුතු කොටස් වෙත නියමාකාරයෙන් ලැබීමට සැලැස්වීමේ පහසුකම් රජය සකසා දිය යුතුය. එමෙන්ම ජනතාව වෙතින්ද අනෙකාගේ වුවමණාව වෙනුවෙන් වන කැපවීම සිදුවිය යුතුය. ඇතිහැකි පිරිස් වෙතින් නැති බැරි පිරිසේ අවශ්‍යතාවයට මුල් තැන ලැබිය යුතුය.

සියළු දෙනා රටක් විදිහට එකම මිනිස් පරපුරක් විදිහට නැඟී සිටීමේ අධිෂ්ඨානය සහිත විය යුතුය.

- මහේෂි

Leave a comment

Gossip

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

වත්මන් ජනාධිපතිවරයාට සහ ආණ්ඩුවට ජනමතයක් නොමැති බැවින් වහාම මහමැතිවරණයක් පැවැත්වීමට බලපෑම් කරන ලෙස වි...

ජාතික සභාව කඩිනමින් සක්‍රීය කරන්නැයි ජනපතිට ඉල්ලීම් රැසක්   

ජාතික සභාව කඩිනමින් සක්‍රීය කරන්නැයි ජනපතිට ඉල්ලීම් රැසක්  

ජනාධිපති රනිල් වික්‍රසිංහට රාජපක්ෂවරුන්ගෙන් සහ පොහොට්ටු කණ්ඩායමෙන් එල්ල වන බලපෑම් අවම කිරීම වෙනුවෙන්...

ගෝඨා නැවත දේශපාලනයට එනවාට රාජපක්ෂ පවුලෙන්ම විරොධයක්

ගෝඨා නැවත දේශපාලනයට එනවාට රාජපක්ෂ පවුලෙන්ම විරොධයක්

හිටපු ජනාධිපති ගෝඨාභය රාජපක්ෂව ජාතික ලැයිස්තුවෙන් මන්ත්‍රීධුරයක් ලබා දී අගමැති තනතුරට පත් කරගැනීමේ උ...

අද ඩෙඟා නටන්න හිටපු විපස්සෙට වෙච්ච දේ

අද ඩෙඟා නටන්න හිටපු විපස්සෙට වෙච්ච දේ

ඊයේ ජනාධිපති රනිල් වික්‍රමසිංහ අය වැය ඉදිරිපත් කිරීමන් පසුව අද දිනය වන විට විපක්ෂයේ දේශපාලන පක්ෂ ගනන...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us