එසේම, මේජර් ජනරාල් විකුම් ලියනගේ ජුනි මස පළමුවනදා සිට නව යුද හමුදාපතිවරයා ලෙස පත් කිරීමට නියමිත බව ද යුද හමුදා වෙබ් අඩවිය වාර්තා කළා.නව යුද්ධ හමුදාධිපතිවරයා ලෙස ධූරයේ රාජකාරි භාරගැනීමට නියමිත, මේජර් ජෙනරල් විකුම් ලියනගේ යුද්ධ හමුදා මාණ්ඩලික ප්‍රධානී ලෙස මේ වනවිට රාජකාරි කටයුතු සිදු කරනු ලබනවා.
ආරක්ෂක මාණ්ඩලික ප්‍රධානී සහ යුද්ධ හමුදාධිපති ජෙනරල් ශවේන්ද්‍ර සිල්වා ලබන 31 වන දින යුද්ධ හමුදාධිපති ධූරයෙන් නික්මයාමෙන් අනතුරුව නව ආරක්ෂක මාණ්ඩලික ප්‍රධානී ලෙස 2022 ජුනි 1 වන දින සිට රාජකාරි භාර ගැනීමටයි නියමිතව ඇත්තේ.ජෙනරල් ශවේන්ද්‍ර සිල්වා යුද හමුදාපති ධූරයට පත්වන විට වැඩබලන ආරක්ෂක මාණ්ඩලික ප්‍රධානී ලෙස කටයුතු කරමින් සිටියා.
