මෙම ප‍්‍රදේශවලට වසරකට ආසන්න කාලයකදී වැසි නොලැබුණු අතර තංගල්ල සහ බෙලිඅත්ත ප‍්‍රදේශවලට මීට පෙර සුළු වැසි ලැබී අැත. එම නිසා නියගය පවතින ප‍්‍රදේශවල ජනතාව දැඩි පානීය ජල හිඟයකට මුහුණපා ඇත.
අම්පාර දිස්ති‍්‍රක්කයේද ඊයේ සහ අද වැසි අදුරක් පැවති නමුත් වැසි අැති වී නොමැත. මීට දින 5කට පමණ පෙර ජල මට්ටම අක්කර අඩි 60,000ක් පමණ තිබුණු ඉඟිනියාගල සේනානායක සමුද්‍රයේ ජල මට්ටම අද වන විට අක්කර අඩි 48,000 දක්වා පහළ බැස ඇත.
පන්නල්ගලමල පදියතලාවල අරන්තලාවල ලාහුගල වැනි ප‍්‍රදේශවලට නියඟය දැඩි බලපෑම් එල්ල කර තිබේ. මේ වන විට දිස්ති‍්‍රක් ලේකම් කාර්යාල හරහා එම ප‍්‍රදේශවලට ජලය සැපයීම සිදු කළද සමහර අවස්ථාවන්හිදී එය ප‍්‍රමාණවත් නොවේ.
අනුරාධපුර, පොළොන්නරුව සහ ති‍්‍රකුණාමලය යන දිස්ති‍්‍රක්කදල උතුරු පළාතේ බොහෝ ප‍්‍රදේශද නියගයෙන් පීඩා වින්දේය. කෙසේවෙතත් නියගය නිමවා එම ප‍්‍රදේශවලට පෙරේදා රාති‍්‍ර හෝ ඊයේ උදෑසන සිට වැසි ඇදහැළී අැත.
