ඩොලර් හිඟයක් හේතුවෙන් වරායන් තුළ කන්ටේනර් සිර වී ඇතැයි මාධ්‍ය ඔස්සේ පළ වන වාර්තා සම්පූර්ණයෙන්ම අසත්‍ය බව මහබැංකු අධිපතිවරයා පවසයි.
භාණ්ඩ කන්ටේනර් නිදහස් කර ගැනීමට අවශ්‍ය ඩොලර් ඉල්ලුමට අවශ්‍ය ලෙස සැපයීමට ශ්‍රී ලංකා මහබැංකුව මේ වන විටත් පියවර ගෙන ඇති බවත් දෛනිකව වරාය පිවිසුමෙන් පිටව යන කන්ටේනර් ප්‍රමාණයෙන් එය සහතික කර ගත හැකි බවත් අධිපතිවරයා කීවේය.
රටේ ආර්ථික අර්බුදයක් හටගෙන ඇති බවට ව්‍යාජ මතයක් ගොඩනඟා ඒ ඔස්සේ රටට ආයෝජකයන් සහ භාණ්ඩ හා සේවාවන් පැමිණීම වැළැක්වීමේ අරමුණින් මෙවැනි ක්‍රියා සිදු කරන බවට විශ්වාස කළ හැකි බවද අධිපතිවරයා පැසීය. ව්‍යාජ දත්ත සහ තොරතුරු මාධ්‍යයට දෙමින් රට අස්ථාවර කිරීමට කටයුතු නොකර වරායන් තුළ කන්ටේනර් සිරවී ඇත්නම් ඒ සිරවී ඇති කන්ටේනර් මොනවා දැයි චෝදනා කරන පාර්ශ්වයන් නිෂ්චිතව කරුණු දැක්විය යුතු බවද අධිපතිවරයා කීවේය.
-දිනමිණ
