පෝලන්ත ගුවන් සේවයට අයත් බෝයිං 787 ගුවන් යානය එරට සිට පැමිණියේ මගීන් 230 දෙනෙකු ද රැගෙනයි. මංගල ගුවන් යානය දිවයින්ට ලගාවූ පසු ජල ආචාර පවත්වමින් හරසරින් පිළිගැණුනා. ලබන මාර්තු 31 වනදා දක්වා ශීත සෘතු කාලසීමාව තුළ මෙම ගුවන් සේවය ශ්‍රී ලංකාව සහ පෝලන්තය අතර ක්‍රියාත්මකවීමට නියමිතයි. එමගින් බටහිර යුරෝපය , ස්කැන්ඩිනේවියානු රටවල් බෝල්ටික් රටවල් සහ මධ්‍යම සහ නැගෙනහිර යුරෝපයේ ගුවන් මගීන් ශ්‍රී ලංකාවට රැගෙන එනු ඇති. සතියට දින තුනක් එනම් අගහරුවාදා ,සිකුරාදා , ඉරිදා දිනවල පෝලන්තය සහ ශ්‍රී ලංකාව අතර ගුවන් ගමන් ක්‍රියාත්මක වනවා. පැය 9 ක් ඒ සඳහා ගතවනවා. ශ්‍රී ලංකාවේ පෝලන්ත තානාපති ඇඩම් බුරකොවුස්කි සහ ගුවන්තොටුපොළ සහ ගුවන් සේවා සමාගමේ සභාපති විශ්‍රාමික මේජර් ජෙනරාල් ජී ඒ චන්ද්‍රසිරි යන මහත්වරුන් ඇතුළු පිරිසක් කටුණායක ගුවන්තොටුපොළට පැමිණ සිටියා.
-පංචාලි අබේසේකර
