එතැන් සිට මේ දක්වා එම වැඩපිළිවෙළ, පොදු ඉරණමක් සහිත මානව ප්‍රජාවක් ගොඩනැගීම සඳහා වන ප්‍රායෝගික වේදිකාවක් බවට පත් ව ඇත. විවිධ රටවලට පොදු සමෘද්ධිය සපුරා ගැනීමේ සංවර්ධන ගමන එමගින් බිහි කර තිබේ. ගෝලීය වශයෙන් පුළුල් ම හා විශාලතම පරිමාණ අන්තර්ජාතික සහයෝගිතා වේදිකාව හා විවිධ රටවල් දැඩි උනන්දුවක් දක්වන අන්තර්ජාතික සහභාගීත්ව නිපැයුමක් වන්නේ ද මෙම වැඩපිළිවෙළ ය.
නව කොරොනා වසංගතය හමු වුවද “එක් තීරයක් එක් මාවතක්” වැඩපිළිවෙළ යටතේ ශ්‍රී ලංකාව තුළ ක්‍රියාත්මක වන දැවැන්තම සංවර්ධන ව්‍යාපෘතිය වශයෙන් වන කොළඹ වරාය නගර ව්‍යාපෘතිය පිළිබඳ සංවර්ධන කටයුතු අඛණ්ඩව සිදුවන බව එම ව්‍යාපෘති සමාගමේ මහජන සබඳතා ප්‍රධානී කස්සප සෙනරත් මහතා පවසයි. විශේෂ ආරක්ෂිත විධිවිධාන හා සෞඛ්‍ය මාර්ගෝපදේශවලට යටත් ව එම සංවර්ධන ව්‍යාපෘති කාර්යයන් නතර නොවී අඛණ්ඩව ඉදිරියට ගෙන යාමට කටයුතු කර තිබේ. ඒ හේතුවෙන් කොළඹ වරාය නගරය තුළින් රටට ලැබෙන ප්‍රතිලාභ නොඅඩුව නොපමාව ලැබෙන්නට සැලසීම සඳහා ව්‍යාපෘති සමාගමත් රජයත් ඒකාබද්ධව කටයුතු කරමින් සිටින බව ඔහු සඳහන් කරයි. කොළඹ වරාය නගර ව්‍යාපෘතිය මගින් ශ්‍රී ලංකාවේ දස දහස් ගණනකගේ රැකියා ගැටළු විසඳා ඇති අතර දේශීය ආර්ථික වර්ධනය ඵලදායී ලෙස ප්‍රවර්ධනය කර ඇතැයි කස්සප සෙනරත් මහතා පෙන්වා දෙයි. පශ්චාත් වසංගත සමයේ තම රටේ ආර්ථික පුනර්ජීවනය“එක් තීරයක් එක් මාවතක්”පොදුවේ සංවර්ධනය කිරීමෙන් සාක්ෂාත් කරනු ඇතැයි විශ්වාස කරන බව ද ඔහු පවසයි.
ප්‍රංශයේ Schiller පර්යේෂණ ආයතනයේ පර්යේෂකයෙකු මෙන් ම ජාත්‍යන්තර ගැටළු පිළිබඳ විශේෂඥ Sébastien Périmony මහතා පවසන්නේ, ‘එක් තීරයක් එක් මාවතක් ’ වැඩපිළිවෙළ මගින් අන්තර්ජාතික සහයෝගිතා ක්‍රමය පරිවර්තනය වී ඇති බවයි. සමස්ත ලෝකයේ අන්තර්ජාතික සහයෝගිතාව සඳහා, නව දිශානතියක් එමගින් පෙන්නුම් කර ඇති බව ද ඔහු පෙන්වා දෙයි.
