කොළඹ නාලන්දා විද්‍යාලයේ සිසු දරුවන් සඳහා එන්නත් ලබාදීම අද දිනයේත් සිදු කෙරෙනවා. වේලාවන් වෙන් කර දී තිබීම හේතුවෙන් කිසිදු තදබදයක් නොමැතිව එන්නත්කරණ කටයුතු සිදු කෙරෙන ආකාරය දැකගත හැකි වූ බවයි වාර්තා වෙන්නේ.
වයස අවුරුදු 18 ත් 19 ත් අතර පාසල් ළමයින් සඳහා එන්නත් ලබාදීම මහරගම මධ්‍ය මහා විද්‍යාලයේදී ද තුන්වන දිනටත් අද සිදු කෙරෙනවා. ළමයින් ඉතා උනන්දුවෙන් ඒ සඳහා සහභාගී වන බවත් සදහන්.
මේ අතර ශ්‍රී ලංකාව විසින් මිලදී ගනු ලැබු තවත් ෆයිසර් එන්නත් මාත්‍රා තොගයක් දිවයිනට රැගෙනවිත් තිබේ. එන්නත් මාත්‍රා 608,000ක් අද (18) අලුයම දිවයිනට රැගෙන ආ බව ගුවන්තොටුපොළ වාර්තාකරු සඳහන් කර ඇත.
ශ්‍රී ලංකාව විසින් මිලදිගැනීම සඳහා ඇණවුම් කර ඇති ෆයිසර් එන්නත් මාත්‍රා ලක්ෂ 50න් ලක්ෂ 10ක් මීට පෙර ලැබී තිබු අතර ඉතිරි එන්නත් ලක්ෂ හතළිහේ පළමු තොගය මෙලෙස අද දිනයේ ශ්‍රි ලංකාව ලැබුණු බව ඖෂධ නීතිගත සංස්ථාව සඳහන් කර තිබේ.
-පංචාලි අබේසේකර
