ඒ, දැරියගේ සෞඛ්‍ය තත්ත්වය පිළිබඳ දඹුල්ල රෝහලේ වෛද්‍යවරුන් ලබාදුන් නිර්දේශයන්ද සැළකිල්ලට ගැනීමෙන් අනතුරුවය.

අද පෙරවරුවේ දඹුල්ල - ඉනාමළුව මංසන්ධියේදී පෞද්ගලික බස් රථයක් සහ යුද හමුදා ට‍්‍රක් රථයක් ගැටීමෙන් අනතුරක් සිදුවිය.

මෙම අනතුරෙන් බස් රථයේ ගමන් ගත් මගීන් 25 දෙනෙකු සහ යුද හමුදා ට‍්‍රක් රථයේ ගමන් ගත් හමුදා සෙබළුන් තුන්දෙනෙකු තුවාල ලැබුවා.ලැබිය.

 ශිෂ්‍යත්ව විභාගයට පෙනී සිටීම සඳහා යමින් සිටි මෙම දැරියද අනතුරෙන් තුවාල ලැබූ අතර ප‍්‍රතිකාර සඳහා ඇය ඇතුළත් කෙරුණේ දඹුල්ල රෝහලටය. 

දැරියට ප‍්‍රතිකාර කළ වෛද්‍යවරුන් ඇය විභාගයට මුහුණදීමට සුදුසු සෞඛ්‍ය තත්ත්වයක පසුවන බවට නිර්දේශ කළේය.  ඒ අනුව ඇයට විභාගයට පෙනී සිටීම සඳහා විශේෂ අවසරයක් ලබාදෙන ලෙස කොමසාරිස්වරයාගෙන් ඉල්ලීමක් කර තිබිණ.

ඒ පිළිබඳව සළකා බැලීමෙන් අනතුරුව දඹුල්ල රෝහල තුළ විශේෂ ස්ථානයක දැරියට අද දහවල් 12 ට විභාගයට පෙනී සිටීමට අවසර ලබාදුන් බව විභාග කොමසාරිස් ජනරාල් ඩබ්ලිව්.එම්.එන්.ජේ. පුෂ්පකුමාර මහතා සඳහන් කලේය.