දුම්රිය සේවා නැවත ආරම්භ කරන ස්ථිර දිනයක් පිළිබඳ මෙතෙක් නිල වශයෙන් දැනුම් දීමක් සිදුව නැති බවද ප්‍රවාහන අමාත්‍යංශයේ උපදෙස් ලද වහාම දුම්රිය ධාවනය ආරම්භ කරන බවද හෙතෙම කීවේය.
රට සාමාන්‍යකරණය වීමත් සමග පොදු ප්‍රවාහන සේවා පවත්වාගෙන යාම සම්බන්ධයෙන් දැනුවත් කිරීමේ මාධ්‍ය හමුවක් දුම්රිය සාමාන්‍යාධිකාරී ධම්මික ජයසුන්දරගේ සහ ශ්‍රී ලංකා ගමනා ගමන මණ්ඩලයේ සභාපති කිංස්ලි රණවකගේ ප්‍රධානත්වයෙන් ඊයේ ප්‍රවෘත්ති දෙපාර්තමේන්තුවේදී පැවති අතර එහිදී මේ අදහස් පළවිය.
නව කාලසටහනට අනුව කාර්යාල දුම්රිය 130ක් ධාවනය කිරීමට සූදානම් කර තිබෙන බවත් තදබදයකින් තොරව මගීන් ප්‍රවාහනය කිරීමේ අරමුණින් අලුතින් නගරාන්තර සීඝ්‍රගාමී දුම්රිය කිහිපයක් හදුන්වාදෙන බවත් දුරගමන් සේවා දුම්රිය හැකි පමණින් කොළඹට ගෙන්වීමට පියවර ගන්නා බවත් සාමාන්‍යාධිකාරීවරයා සඳහන් කළේය.
මීට අමතරව ශ්‍රී ලංකා ගමනා ගමන මණ්ඩලයේ බස් රථ 3300 ක් ධාවනයට එක්කර තිබෙන බවත් දුම්රිය මගීන් ප්‍රවාහනය කිරීම වෙනුවෙන් විශේෂ බස් රථ යොදවා තිබෙන බවත් ශ්‍රීලංකා ගමනා ගමන මණ්ඩලයේ සභාපති කිංස්ලි රණවක පැවසීය.
මණ්ඩලයේ සියලුම සේවකයින් පූර්ණ එන්නත්කරණයට ලක්කර අවසන් බවත් සේවා සැපයීම අඛණ්ඩව ක්‍රියාත්මකව පවත්වාගෙන යන බවත් සභාපතිවරයා කීවේය.
aruna
