දිවයිනේ සියළුම විශ්වවිද්‍යාල සහ විශ්වවිද්‍යාල අනුබද්ධ ආයතනවලදී කොරෝනා මර්දන එන්නත් ලබාදීම සිදු කෙරෙනවා. විශ්වවිද්‍යාල වෙබ් අඩවි ඔස්සේ මේ පිළිබඳ දැනුවත් කර ඇති අතර එන්නත් ලබා ගැනීම සඳහා තමන් ලියාපදිංචි විශ්වවිද්‍යාලයට පැමිණීමේ අවශ්‍යතාවක් නැති බවයි විශ්වවිද්‍යාල ප්‍රතිපාදන කොමිෂන් සභාවේ සභාපති මහාචාර්ය සම්පත් අමරතුංග මහතා ප්‍රකාශ කළේ.
එන්නත් වර්ගීකරණයෙන් තොරව තමන්ට ආසන්නම විශ්වවිද්‍යාලයට පැමිණ කොරෝනා මර්දන එන්නත් ලබා ගන්නා ලෙස සෞඛ්‍ය අධ්‍යක්ෂ ජනරාල් වෛද්‍ය අසේල ගුණවර්ධන මහතා සරසවි සිසුන්ගෙන් ඉල්ලා සිටිනවා.
-පංචාලි අබේසේකර
