පොදු අපේක්ෂකයකු ජනපතිවරණයට ඉදිරිපත් කළහොත් ජයග‍්‍රහණය කළහැකියැ’යි විශ්වාසයක් දැන් ජනතාව අතර තිබෙන්නේයැ’යි පවසන ඒ මහතා රනිල් වික්රමසිංහගේ ස්ථාවරය නිසා පොදු අපේක්ෂකයකු තරග බිමට පිවිසවීමේ වැඩපිළිවෙළ අඩාල වී ඇතැ’යි ද පවසයි.
ඉදිරි ජනපතිවරණයට තමන් ඉදිරිපත් කරන අපේක්ෂකයා කවුරුන්දැ’යි තවම තීරණයකට පැමිණ නැතැ’යි ප‍්‍රකාශ කරන ලාල් කාන්ත මහතා අදාළ පුද්ගලයා පක්ෂයෙන් පිට කෙනකු හෝ විය හැකියැ’යි ද පැවසීය.
මහින්ද පාලනය පෙරළන්න සමත් නීතිය-යහපාලනය-ප‍්‍රජාතන්ත‍්‍ර වාදය නැවත ස්ථාපිත කළ හැකි පුද්ගලයකු තම පක්ෂය අනිවාර්යයෙන්ම ජනපති වරණයට ඉදිරිපත් කරන බව ප‍්‍රකාශ කරන ඒ මහතා, ඔහු ආණ්ඩුවට එජාපයට යන දෙකටම විරුද්ධ බලවේග එකමිටකට ගෙන සටන ජයග‍්‍රහණය කරනු ඇතැ’යි ද ප‍්‍රකාශ කළේය.
තෙවැනි පාර්ශ්වයක් ජනාධිපතිවරණයට ඉදිරිපත්වීම හරහා ඡන්ද බෙදී යාමෙන් අවසාන වශයෙන් මහින්ද රාජපක්ෂ ජනපතිවරයාට වාසිසහගත නොවේදැ’යි කළ විමසුමකට ප‍්‍රතිචාර දක්වන ඒ මහතා කියා සිටියේ, මේ වනවිට මහින්ද රාජපක්ෂ මෙන්ම රනිල් වික‍්‍රමසිංහත් තම ජනපතිවරණ සටන අරඹා තිබෙන නිසා තමන්ට වෙන විකල්පයක් නැති බවය.
(රාවය)
