දුෂ්කර පාසැල්වල සිසු දරුවන්ට දියර කිරි වීදුරුව බැගින් ලබා දිමේ අරමුණෙන් මෙම මධ්‍යස්ථාන ඉදි කරනු ලබන බව කෘෂිකර්ම අමාත්‍ය මහින්දානන්ද අලුත්ගමගේ පවසයි.
යුරෝ මිලියන 13.9 ක ප්‍රංශ ආධාර යටතේ මෙම කිරි සැකසුම් මධ්‍යස්ථාන ඉදි කෙරේ.
එක් කිරි සැකසුම් මධ්‍යස්ථානයකින් දිනකට කිරි ලීටර් පන්දහසක් බැගින් මෙම මධ්‍යස්ථාන හය තුළ දිනකට කිරි ලීටර් 30,000ක් සකස් කිරීමට නියමිත බව අමාත්‍යවරයා පවසයි.
කෙසේ නමුත් මෙරට දියර කිරි නිශ්පාදනය රටේ අවශ්‍යතාවයට තබා මෙරට කිරි ආශ්‍රිත නිශ්පාදනයන් කරන සමාගම් කිහිපයේ අවශ්‍යතාවයට හෝ නොසරිලන බව දැන ගනීමට තිබේ. පසුගියදා මිල්කෝ ආයතනයේ සභාපතිවරයා පෙන්වා දී තිබුණේ තම සමාගම විසින් නිශ්පාදනය කරන කල්කිරි බෝතල් නිශ්පාදනයන් අත්හි‍ටුවීමට තිරණය කළ බවයි. ඊට හේතුව වශයෙන් සඳහන් කර තිබුණේ අවශ්‍ය ප්‍රමාණයට දියර කිරි ලබාගැනීමට නොහැකි බවත් ඇතැම් පෞද්ගලික සමාගම් තමන් දියර කිරි මිළදී ගන්නා මිලට වඩා වැඩි මිළකට මිලදී ගැනීමත් නිසා තම සමාගම තවදුරටත් අපහසුතාවයට පත්ව ඇති බවය.
පාසල් ළමුන් සඳහා දියර කිරි වීදුරුවක් ලබා දීම විශිෂ්ට වැඩ පිළිවෙලක් වන නමුදු ඒ සඳහා දියර කිරි ලබාගැනීම වෙනුවෙන් වන වැඩ පිළිවෙලක් තිබේදැයි ප්‍රශ්නකාරීය. දිනකට කිරි ලීටර් 30,000ක් එකතුකර ගැනීමේ හැකියාවක් නොතිබුණහොත් මේ වෙනුවෙන් ලැබෙන යුරෝ මිලියන 13.9 ක ප්‍රංශ ආධාර අපතේ යනු ඇත.
