දීර්ඝ කාලීන රෝගාබාධ වලින් පෙලෙන වයස අවුරුදු 12 ත් 19 ත් අතර දරුවන්ට ප්‍රමුඛතාව ලබා දෙමින්, දරුවන් එන්නත්කරණය අද සිට ආරම්භ කෙරුණා . ඒ පිළිබද ජනාධිපති මාධ්‍ය කේන්ද්‍රයේ ඊයේ පෙරවරුවේ වීඩියෝ තාක්ෂණය ඔස්සේ පැවැත්වුණු මාධ්‍ය හමුවේ දී මේ පිළිබද අවධාරණය කෙරුණා.
ඒ අනුව අද දින වයස අවුරුදු 12 ත් 19 ත් අතර විශේෂ අවශ්‍යතා සහිත දරුවන්ට කොරෝනා මර්දන එන්නත් ලබාදීම කොළඹ, අනුරාධපුරය, කුරුණෑගල දිස්ත්‍රික්කවලින් අද ආරම්භ විය.
මේ අතර රිජ්වේ ආර්යා ළමා රෝහලේ පැවති වයස අවුරුදු 12 ත් 19 ත් අතර විශේෂ අවශ්‍යතා සහිත දරුවන් එන්නත්කරණ වැඩසටහන එක්වූ අමාත්‍ය කෙහෙළිය රඹුක්වැල්ල මහතා සදහන් කළේ මෙම රෝහලේදී සංකේතාත්මකව ආරම්භ කළද එය දිවයින පුරා සාර්ථකව ක්‍රියාත්මක කිරීමට සියලු කටයුතු සම්පාදනය කර ඇති බවයි.
-පංචාලි අබේසේකර
