පශු සම්පත්, ගොවිපල ප්‍රවර්ධන සහ කිරි හා බිත්තර ආශ්‍රිත කර්මාන්ත රාජ්‍ය අමාත්‍ය ඩී.බි. හේරත් කෘෂිකර්ම අමාත්‍ය මහින්දානන්ද අලුත්ගමගේ අමාත්‍යවරයා කරන ලද ඉල්ලීමකට අනුව මෙම පියවර ගැනීමට තීරණය කරන ලදි.
සත්ත්ව ආහාර මිළ ඉහළයාම නිසා සත්ත්ව පාලනයේ නියුතු ගොවින් බලවත් අපහසුතාවට පත්ව ඇති බවද සත්ත්ව ආහාර මිළ ඉහළයාම නිසා සත්ත්ව නිෂ්පාදනද ඉහළ යාමට පටන්ගෙන ඇති බවද එහිදී ප්‍රකාශ විය.
මේ අතර දියර කිරි නිෂ්පාදනය ප්‍රවර්ධනය සදහා කිරි ගවයින්ට ප්‍රමාණවත් තණකොළ නොලැබීම නිසා කිරි නිෂ්පාදනය අඩු වී ඇති බැවින් තණකොළ වගා කරන්නට කැමති අයට රජයේ ඉඩම් ලබා දී තණකොළ වගාව ප්‍රවර්ධනය කිරිමටත් එසේ වගා කරන තණකොළ කිරි ගොවින්ට හා ගෙවිපලවලට අලෙවි කිරිමටත් අවශ්‍ය වැඩ පිළිවෙලක් සකස් කිරිමටද ඊයේ (16) පස්වරුවේ පැවැති සාකච්ඡාවේදී අවධානය යොමු විය.
එමෙන්ම කිරි ගවයින්ට අමතරව එළුවන්, ඌරන් වැනි සත්ත්ව ගොවිපල ප්‍රවර්ධනය කීරිමටත් අද පැවැති සාකච්ඡාවේදී අවධානය යොමු විය. මෙම සාකච්ඡාවට රාජ්‍ය අමාත්‍ය ගරු ඩි.බී.හේරත් මැතිතුමා එම අමාත්‍යාංශයේ ලේකම් හා සත්ත්ව නිෂ්පාදන සෞඛ්‍ය දෙපාර්තමේන්තුවේ අධ්‍යක්ෂ ජනරාල් ඇතුළු නිලධාරීන් පිරිසක් සහභාගි වි ඇති බවයි වාර්තා වෙන්නේ.
-පංචාලි අබේසේකර
