ඖෂධ පිළිබඳ විද්වත් කමිටුව රැස් වී ඊට අවසර ලබා දුන් අතර එක් ඖෂධයක මිල රුපියල් ලක්ෂය ඉක්මවන බවද අමාත්‍යාංශය පෙන්වා දෙයි.
ඇමරිකාවේ නිෂ්පාදනයක් වන මෙම ඖෂධය එරට හිටපු ජනාධිපති ඩොනල්ඩ් ට්‍රම්ප්ටද කොවිඩ් අසාදනය වූ විට ලබා දුන් බව රාජ්‍ය අමාත්‍යාංශය සඳහන් කරයි.
එම ඖෂධයක් ඇමරිකාවේ මිල ඩොලර් 4000ක් වන අතර ආසියානු රටවලට අඩු මිලකට ලබා දීමට නිෂ්පාදිත සමාගම එකඟ වී තිබේ.
මෙම ඖෂධය සඳහා ජාතික ඖෂධ නියාමන අධිකාරිය ජුනි මස 23 වැනිදා අනුමැතිය ලබා දී 26 වැනිදා අවලංගු කරන ලදී. මෙම ඖෂධය ලබා දීමෙන් කොවිඩ් ආසාදිතයන් රැසකගේ ජීවිත ආරක්ෂා කර ගත හැකි බව වෛද්‍යවරු පවසයි. අසාධ්‍ය රෝගීන් වෙනුවෙන් මෙය ලබා දීමට නියමිතය.
මේ අතර ටොසිලිසුමාබ්’ එන්නත ඉදිරි දෙසතිය ඇතුළතදී එන්නත් 600ක් මෙරටට ලැබීමට නියමිත බව එම එන්නත ශ්‍රී ලංකාවට ආනයනය කරනු ලබන පෞද්ගලික සමාගම දැනුම් දී ඇත. එම එන්නත කොවිඩ් නිව්මෝනියා මෙන්ම අසාධ්‍ය තත්ත්වයේ පසුවන රෝගීන්ට ලබාදෙන අතර මෙම එන්නත වෙනත් රටවලින් ලබාගැනීම සඳහා රාජ්‍ය ඖෂධ නීතිගත සංස්ථාව විදේශ කටයුතු අමාත්‍යාංශය මගින් කළ උත්සාහයක්ද ව්‍යාර්ථ වී තිබේ.
-පංචාලි අබේසේකර
