වයිරසය මෙරටට පැමිණිය ද, ඉන් ආරක්ෂා වීමට නම් නිවැරදිව මුව ආවරණ පැළඳීම ඇතුළු කොවිඩ් මර්දන සෞඛ්‍ය උපදෙස් පිළිපැදීම අනිවාර්ය බව ද ඒ මහතා කීයා සිටි.
එන්නත්කරණය මඟින් වයිරසයෙන් ආරක්ෂා වීමට කිසියම් හෝ සහනයක් ජනතාවට සැලසෙන බවත් නමුත් ලෝකයේ බහුතරයක් ජනතාව එන්නත්කරණයට ලක් කර අවසන් වන තෙක් වයිරසයේ නව ප්‍රභේදයන් බිහි වීම වැළැක්විය නොහැකි බවත් ඒ මහතා පැවසුවේය.
කොවිඩ් ආසාදිතයන්ට ඇතුළු විය නොහැකි ලෙස දැඩි සීමාවන් පනවමින් පුද්ගලයන් එන්නත්කරණයට ලක් කළද නවසීලන්තය තුළට ද දකුණු අප්‍රිකාවේ පැතිර යන මාරාන්තික වයිරස් ප්‍රභේදය ඇතුළු වීම වැළැක්වීමට නොහැකි වූ බවද ඔහු පවසා ඇත.
ඇල්ෆා, ඩෙල්ටා ප්‍රභේදයන් ශ්‍රී ලංකාව තුළට ඇතුළු වීමට නොහැකි ලෙස කටයුතු කළ ද පසුකාලීනව ආසාදිතයන් සමාජයෙන් වාර්තා වූ බවත් සංචාරක ව්‍යාපාරය ක්‍රියාවට නොනංවා ශ්‍රී ලංකාව වසා දැමීම ප්‍රායෝගිකව කළ නොහැකි දෙයක් බවත් ඒ මහතා සදහන් කර තිබේ.
-පංචාලි අබේසේකර
