අද(18) පෙරවරුවේ පිටකොටුව වෙළෙඳ සැල් පරික්ෂා කිරීම සඳහා පැමිණි අවස්ථාවේදී මාධ්‍ය වෙත අදහස් දක්වමින් අමාත්‍යවරයා මේ බව සදහන් කර ඇත.
එය සතොස මගින් නොමිලේ ලබාදෙන අතර ලබන බ්‍රහස්පතින්දා සිට එම වැඩපිළිවෙළ ආරම්භ කරන බව අමාත්‍යවරයා සඳහන් කළේය. ඒ අනුව නිවසටම එම සහන මල්ල ලබා දීමට කටයුතු කරන බවත් වෙළෙඳ අමාත්‍ය බන්දුල ගුණවර්ධන මහතා කියා සිටියේය.
''බඩගින්නේ මිනිස්සු මැරෙන්න ඉඩ තියන්නේ නෑහැ '' යනුවෙන් සදහන් කල අමාත්‍යවරයා සමස්ත ලෝකයටම බලපා ඇති ආර්ථික අර්බුදය හා ජනතාවට බලපා ඇති සෞඛ්‍යමය වශයෙන් අහිතකර තත්වය හමුවේ ස්වයං නිරෝධායනයට සම්පූර්ණයෙන්ම ඉඩ පවතින බවත් , අත්‍යවශ්‍ය සේවාවන් ලෙස සලකා සතොස හා සමූපකාර අලෙවිසැල් මෙන්ම ආර්ථික මධ්‍යස්ථාන, රජයේ වාණිජ විවිධ නීතිගත සංස්ථාව හා Q-shop පාරිභෝගිකයා වෙත විවෘත කරනු ලබන බවත් එහිදී ප්‍රකාශ කර ඇත.
කෙසේවෙතත් අමාත්‍යවරයා එහිදී සදහන් කර සිටියේ සෞඛාරක්ෂක ක්‍රමවේද අනුගමනය කරමින්, එන්නත්කරණය සිදු කර අත්‍යවශ්‍ය සේවා පවත්වා ගෙන යාම මේ අවස්ථාවේදී අතිශයින් වැදගත් බවයි.
-පංචාලි අබේසේකර
