ඊයේ (02) රාත්‍රියේ ජනාධිපතිවරයා එහි සංචාරයක නිරතවූ අතර එහිදී එන්නත්කරණ ක්‍රියාවලිය සම්බන්ධයෙන් සොයාබලා ඇත.

පළමු කොවිඩ් මර්දන එන්නත ලෙස ඇස්ට්‍රාසෙනෙකා එන්නත ලබාගත් බස්නාහිර පළාතේ පුද්ගලයින්ට එහි දෙවන මාත්‍රාව ලබාදීම මධ්‍යස්ථාන 20කදී පමණ සිදුකෙරේ. මේ අතර, ඇස්ට්‍රාසෙනෙකා එන්නතේ දෙවන මාත්‍රාව ලෙස එන්නත් මාත්‍රා 174,985 ඊයේ (02) දිනයේ ලබාදී ඇති බව සෞඛ්‍ය අංශ පවසති.

ඉන් එන්නත් මාත්‍රා 22,981ක් කෑගල්ල දිස්ත්‍රික්කයට පළමු මාත්‍රාව වශයෙන් ලබාදී ඇති බව රාජ්‍ය අමාත්‍ය, මහාචාර්ය චන්න ජයසුමන මහතා පවසයි.

ඒ අනුව පසුගිය දින 2 තුළ ඇස්ට්‍රාසෙනෙකා දෙවන මාත්‍රාව ලෙස ලබාදී ඇති සමස්ත එන්නත් මාත්‍රා ප්‍රමාණය 244,251කි. මේ සඳහා අවශ්‍ය එන්නත් ජපානයෙන් පරිත්‍යාගයක් වශයෙන් මෙරටට ලැබුණි.

ඊයේ දිනය තුළදී ජනතාවට ලබාදුන් සමස්ත එන්නත් සංඛ්‍යාව 422,472කි.

-පංචාලි අබේසේකර