එහි මෙසේද දැක්වේ.
බලශක්තිය සඳහා ගල් අඟුරු භාවිතය මේ වනවිට මුළු ලෝකය පුරාම ප‍්‍රතික්ෂේප කරන බව කවුරුත් දන්නා කරුණකි. එයට හේතුව නම් පරිසරයට සහ මිනිස් ජීවිතවලට එයින් සිදුවන හානියයි. අපට දැනගන්නට ලැබී ඇති පරිදි විදුලිබල මණ්ඩලය විසින් නොරොච්චෝලේ ලක්විජය තාප බලාගාරය මෙගාවොට් 600 ක් අදියර දෙකක් තුළ පුළුල් කිරීමට අදහස් කර තිබුණි. මෙවන් අවස්ථාවක ජනාධිපතිතුමා එයට එරෙහිව ගෙන ඇති තීරණයට අපගේ කෘතඥතාවය හිමිවේ. බලශක්තිය පිළිබඳ රජයේ දැක්ම අනුව 2030 වනවිට විදුලිබල ධාරිතාවයෙන් 80% ක්ම පුනර්ජනනීය ක‍්‍රමවේද භාවිතයෙන් සිදුවිය යුතුය.
විදුලි බලය නිපදවීම සඳහා ලොව අහිතකරම අපද්‍රව්‍ය වන ගල් අඟුරු භාවිතය තුළ අපගේ වර්තමාන ජනතාවටත් අනාගත පරපුරටත් පාරිසරික දූෂණය නිසා මුහුණදීමට සිදුවන විපාක ඉතා විනාශකාරී වනු ඇත. නිවර්තන කලාපීය දේශගුණයක් ඇති රටක් වන ශ‍්‍රී ලංකාව තුළ සුළං සහ තාපබලාගාර උපරිමයෙන් භාවිතා කර විදුලිබලය නිපදවිය යුතු බව පැහැදිලි කරුණකි. එමෙන්ම ජල විදුලි බලයෙන් වසර ගණනාවක සිට විදුලිබලය උත්පාදනය කරනු ලබයි. මේවා සොබා දහමෙන් අපට ලැබී ඇති දායාදයන්ය. ශ‍්‍රී ලංකාව වැනි දියුණු වෙමින් පවතින රටක් හැමවිටම සංවර්ධනය සඳහා කෙටිකාලීන නොව තිරසාර විසඳුම් කරා යා යුතුය.
-දිවයින
