මේ පිළිබඳව දැනට සිදු කෙරෙන විමර්ශන කටයුතු ප‍්‍රමාද නොකර කඩිනම් කිරීමට දැනටමත් ක‍්‍රියා කරගෙන යන බවත් ,පාස්කු ඉරිදා ප‍්‍රහාරයට සම්බන්ධ සැකකරුවන් පිළිබඳව ආණ්ඩුව ක‍්‍රියාකරන ආකාරය කාගේත් දැඩි අවධානයට යොමු වී තිබියදී ජනාධිපති විමර්ශන කොමිසමෙන් හෙළි වූ පුද්ගලයන්ට නිදැල්ලේ සිටීමට කිසිසේත් ඉඩ තබන්නේ නැති බව ද අගමැති සදහන් කර ඇත. මෙම සිද්ධිය පිළිබඳව නම ගෑවුණු උදවියට නීතියෙන් බේරීයෑමට කිසිම මොහොතක ඉඩ නොතබන බවත් නීති ප‍්‍රකාරව කාට කාටත් දඬුවම් හිමිවන බව ද අගමැතිවරයා අවධාරණය කරයි.
මේ පිලිබදව අදහස් පලකළ අග‍්‍රාමාත්‍යවරයා ,
'' අද කාගේ කාගේත් මාතෘකාව වී ඇත්තේ පාස්කු ඉරිදා සිදුකළ ප‍්‍රහාරයයි. මේ පිළිබඳව ගනු ලබන ක‍්‍රියාමාර්ග ගැන මුළු ලෝකයම බලා සිටිනවා. එසේ තිබියදී අපි කවුරුවත් බේරා ගැනීමට උත්සාහ ගන්නේ නැහැ''
-පංචාලි අබේසේකර
