ලංකා සීනි සමාගම සතොස ආයතනය හරහා සීනි කිලෝවක් රුපියල් 115 කට අලෙවි කෙරෙන නමුත්, වෙළෙඳ පොළේ සීනි කිලෝවක් රුපියල් 145 ත් 150 ත් අතර මිලකට අලෙවි කෙරෙන බවද ඇමැතිවරයා එහිදී සදහන් කර ඇත. ලංකා සීනි සමාගම ලාභ ලබන ආයතනයක් බැවින් එම ලාභයෙන් කොටසක් පාරිභෝගික ජනතාවට ලබාදීමට කටයුතු කරන බවද ඇමැතිවරයා සඳහන් කළේය.
වෙළෙදපොළේ හිතූ හිතූ මිල ගණන්වලට සීනි විකිණීම පාලනය කිරීම සඳහා සතොස සහ සමුපකාර සමිති හරහා අඩු මිලට සීනි සපයන බවත්, තොග වශයෙන් සීනි අලෙවි නොකරන ලෙසත්, පාරිභෝගිකයෙකුට උපරිම කිලෝග්‍රෑම් දෙකක් අලෙවි කරන ලෙස සතොස සහ සමුපකාර සමිතිවලට දැනුම් දී ඇතැයිද ඇමැතිවරයා පැවැසුවේය.
-පංචාලි අබේසේකර
