මෙලෙස මුදල් ඉපයීම් සහ සිදුකර ඇති ක්රියාකාරකම් සම්බන්ධයෙන් තවදුරටත් දීර්ඝ වශයෙන් පරීක්ෂණ සිදුකරන බවත් ඒ සඳහා එම ස්ථානයේ තිබු පරිගණක දත්ත පරීක්ෂා කරමින් සිටින බවත් බම්බලපිටිය පොලිසියේ නිලධාරියකු පැවසීය.
වසර තුනක පමණ කාලයකදී දෙදහසකට වැඩිපිරිසකට එම ස්ථානයෙන් රූපලාවන්ය සැත්කම් සිදුකර ඇතිබවත් මේ සඳහා අවම වශයෙන් රුපියල් ලක්ෂයක මුදලක් එක් සැත්කමක් වෙනුවෙන් ගෙවිය යුතු බවත් අනාවරණය වී ඇත.
මෙවැනි සැත්කම් විදේශ රටකදි සිදුකර ගැනිමට අවම වශයෙන් රුපියල් මිලියනයක්වත් ගෙවිය යුතු බව පැවසේ. මේ ස්ථානය සහ එහි සේවය කළ පුද්ගලයින්ගෙන් පොලිසිය දීර්ඝ ලෙස ප්රශ්න කර ගෙන යයි.
කොළම අලුත්කඩේ මහෙස්ත්රාත් උසාවියේ නියෝගයක් මත කොළඹ අධිකරණ වෛද්ය නිලධාරි කණ්ඩායමක් ඊයේ උදෑසන මේ රූපලාවන්ය මධ්යස්ථානයට ගොස් පරීක්ෂණ ආරම්භ කළහ.
මේ කණ්ඩායමට අධිකරණ වෛද්ය නිලධාරි දෙදෙනකු, රජයේ රස පරීක්ෂක, ප්ලාස්ටික් සැත්කම් පිළිබඳ විශේෂඥ වෛද්යවරයෙක් සහ නිර්වින්දන වෛද්යවරයෙක් ඇතුළත්ව සිටියේය.
වෛද්යවරිය මියගිය බම්බලපිටිය රූපලාවන්ය මධ්යස්ථානය මගින් සිදු කළ සැත්කම්වලින් රුපියල් කෝටි දහයකට අධික මුදලක් උපයා ඇතිබව මෙතෙක් සිදුකළ පරීක්ෂණවලදි හෙළිවි තිබේ.
Leave a comment