ඔන්ලයින් ක‍්‍රමයට භාණ්ඩ සපයන ආයතනයක් විසින් කළ පැමිණිල්ලක් මත ගල්කිස්ස පොලිසියේ අපරාධ අංශය විසින් එම පුද්ගලයින් අත්අඩංගුවට ගෙන ඇතැයි පොලිස් මාධ්‍ය ප‍්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පැවසීය.
අදාළ පුද්ගලයින් ඔන්ලයින් ක‍්‍රමවේදය අනුව ක්‍රෙඩිට් කාඞ්පත් මඟින් භාණ්ඩ ඇණවුම් කර ව්‍යාජ කාඞ්පත්වලින් ගෙවීම් සිදුකරන බවත් එම භාණ්ඩ ලබා දුන් ආයතන විසින් ගෙවීම් කළ කාඞ්පතට අනුව මුදල් ලබා ගැනීමට යාමේදී එම කාඞ්පත් ව්‍යාජ ඒවා බවට තහවුරු කරගෙන ඇත.
ඒඅනුව පොලිසියට පැමිණිලි කිරීමෙන් පසු සිදුකළ විමර්ශනයකදී අදාළ පුද්ගලයින් විසින් ව්‍යාජ ක්‍රෙඩිට් කාඞ්පත් සකස් කරන බවට අනාවරණය වී ඇති අතර ඒ සඳහා උපයෝගී කරගන්නා ව්‍යාජ ක්‍රෙඩිට් කාඞ්පත් 30ක් පමණ සොයාගෙන ඇති බවද පොලිසිය පැවසීය.
ඔන්ලයින් ක‍්‍රමවේදය ඔස්සේ ලබාගන්නා භාණ්ඩ අදාළ පුද්ගලයින් විසින් නැවත අලෙවි කිරීමක්ද සිදුකර ඇතැයි අනාවරණය කරගෙන ඇත.
අදාළ සැකකරුවන් විසින් මෙම මස 18 සහ 19 දින දෙකක් තුළ දී රු 7,87,000ක මුදලක් වංචාකර ඇති බවට අනාවරණය වී තිබේ. සැකකරුවන් මහනුවර, වරකාපොළ හා ගල්කිස්ස ප‍්‍රදේශයේ පදිංචිකරුවන් බවත් චීන ජාතිකයාගේ සහය මත ඔවුන් එම ව්‍යාජ කෙඩිට් කාඞ්පත් සකස් කර ගල්කිස්ස වටලප්පල පාරේ කුලී නිවසක සිට මෙම ජාවාරම කරගෙන ගොස් ඇති බවද හෙළි කරගෙන තිබේ.
ගල්කිස්ස ජ්‍යෙෂ්ඨ පොලිස් අධිකාරි කමල් පුෂ්ප කුමාර මහතාගේ උපදෙස් මත මූලස්ථාන ප‍්‍රධාන පොලිස් පරීක්ෂක දිලීප පෙරේරා මහතාගේමෙහෙයවීමෙන් අපරාධ අංශයේස්ථානාධිපතිඅලහකෝන් මහතා ඇතුළු නිලධාරීන් කණ්ඩායමක් විසින් අත්අඩංගුවට ගත් සැකකරුවන් ඊයේ (21) දින ගල්කිස්ස අධිකරණය හමුවට ඉදිරිපත් කිරීමට නියමිතය.
-දිවයින
