ඒ අනුව පසුගිය වසරේ උසස් පෙළ විභාගයට පෙනී සිටි සිසුන් සඳහා අදාළ පාඨමාලාවලට සුදුසුකම් ලැබීමට සිදු වන්නේ එම අභියෝග්‍යතා පරීක්ෂණවලට පෙනී සිටීමෙන් බව එම කොමිෂන් සභාව පවසයි.
පාඨමාලා තිහකට පමණ සිසුන් බඳවා ගැනීම සඳහා ඒ ඒ විශ්වවිද්‍යාල මගින් අයැදුම්පත් කැඳවා අභියෝග්‍යතා පරීක්ෂණ පැවැත්වෙන අතර මෙවර එම පරීක්ෂණ ද පැවැත්වෙන්නේ මාර්ගගත ක්‍රමයට ය.(online)
උසස් පෙළ ප්‍රතිඵලවලට අමතරව අභියෝග්‍යතා පරීක්ෂණයක් පැවැත්වීමෙන් ඇතැම් සිසුන්ට අසාධාරණයක් වන බවට එල්ල වූ චෝදනා අනුව මෙම වසරේ සිට අභියෝග්‍යතා පරීක්ෂණ නොපැවැත්වීමට ප්‍රතිපාදන කොමිෂන් සභාව කලින් තීරණය කළ නමුත් ඒ සඳහා උපකුලපතිවරුන්ගේ එකඟත්වය නොලැබීම මත එම තීරණය ලබන වසර දක්වා කල් දමා ඇත.
